انقرہ: عالمی وبا کرونا سے نمٹنے کے لئے پوری دنیا نبردآزما ہیں، ایسے میں ترکی نے بھی اہم سنگ میل حاصل کرلیا ہے۔
قیصری ایرجیس یونیورسٹی ریکٹر کے پروفیسر ڈاکٹر مصطفیٰ چالش نے خوشخبری سنائی ہے کہ مقامی طور پر تیار کردہ "ترکو واک” ویکسین کا رضاکاروں پر استعمال کا آغاز کردیا گیا ہے۔
پروفیسر ڈاکٹر مصطفیٰ چالش نے دعویٰ کیا کہ مقامی طور پر تیار کردہ ترکو واک کرونا کی نئی قسم الفا (یو کے ویرینئٹ) کی مخلتف اقسام کے خلاف نہایت موثر رہی ہے، جانوروں پر ہونے والی اس تحقیق کے کامیاب نتائج برآمد ہوئے ہیں۔
پروفیسر ڈاکٹر مصطفیٰ چالش نے دعویٰ کیا کہ ہماری ویکسین "ترکو واک” انگریزی اقسام کی وبا کی روک تھام میں زیادہ موثر ہے مگر ہم سائنس دانوں کی تحقیقات کا جائزہ لینے اور ان کے نتائج کی منتظر ہے، انہوں نے کہا کہ "ہم دیکھنا چاہتے ہیں کہ جلد از جلد ترکوواک ترکی اور پوری دنیا میں قابل استعمال ہوجائے۔
انہوں نے اس امید کا بھی اظہار کیا کہ رضاکاروں پر تجربات کا سلسلہ جاری ہے، اگر یہ عمل کامیاب رہا تو لاکھوں افراد ویکسین کے ہنگامی استعمال کی اجازت سے صحتیاب ہو جائیں گے۔
