The news is by your side.

Advertisement

ترک صدر طیب اردوان نے عمرے کی سعادت حاصل کرلی، بیت اللہ میں خصوصی دعائیں

مکہ مکرمہ: ترک صدر طیب اردوان نے عمرے کی سعادت حاصل کرلی اور بیت اللہ میں دعائیں مانگیں۔

تفصیلات کے مطابق ترک صدر رجب طیب اردوآن نے جمعرات کو مسجد الحرام پہنچے تو ان استقبال کئی عہدیداروں نے کیا، جن میں جنرل پریذیڈنسی کا ایک وفد بھی شامل تھا جو جامع مسجد اور مسجد نبوی کے امور کے لیے تھا۔

اردوآن نے سخت سیکیورٹی میں وفد کے ہمراہ عمرے کی سعادت حاصل کی، اس دوران اردوآن نے بیت اللہ میں دعائیں مانگیں۔

گزشتہ روز ترک صدر دو دن کے دورے پر جدہ پہنچے تھے، جہاں انہیں گارڈ آف آنرپیش کیا گیا۔

ترک صدر نے شاہ سلمان اور ولی عہد محمد بن سلمان سے ملاقات کی، جس میں تعلقات بہتربنانے اورمختلف شعبوں میں تعاون پر غور کیا گیا۔

خیال رہے رجب طیب اردوآن چارسال بعد سعودی عرب کا دورہ کر رہے ہیں، استنبول میں سعودی صحافی جمال خاشقجی کے قتل کے بعد دونوں ملکوں کے تعلقات خراب ہوگئے تھے۔

Comments

یہ بھی پڑھیں