The news is by your side.

Advertisement

ترک اداکار کی کراچی آمد، تھیلیسیمیا کے متاثرہ بچوں سے ملاقات

کراچی: مشہور ترک ڈرامے ارطغرل غازی کے مشہور کردار عبدالرحمان غازی نے کراچی میں تھیلیسیما سے متاثرہ بچوں سے ملاقات کی۔

تفصیلات کے مطابق ترک اداکار جلال عل نے میڈیا سے گفتگو کرتے ہوئے کہا کہ یہاں آکر بہت خوشی محسوس ہورہی ہے، کراچی میں تھیلیسمیا سے متاثرہ بچوں کو خون بھی عطیہ کروں گا۔

جلال عل نے کہا کہ ملاقاتوں سے ترکی و پاکستان کے بھائی چارے میں بہتری آئے گی، میری ملاقات وزیراعظم عمران خان سے بھی ہوئی، ایک نئے پراجیکٹ کے لیے مل کر کام کرنے پر اتفاق ہوا۔

ترک اداکار جلال عل نے پاکستان زندہ باد کے نعرے بھی لگائے۔

واضح رہے کہ کراچی کے نجی ادارے کی دعوت پر مشہور ترک ڈرامے ارطغرل غازی میں عبد الرحمٰن غازی کا کردار ادا کرنے والے معروف اداکار جلال عل اور ڈرامے کے پروڈیوسر کمال تیکدن نے کراچی کا دورہ کیا۔

اس سے قبل اداکار جلال عل نے پاکستانی پرچم کے ساتھ تصویر شیئر کرتے ہوئے اردو زبان میں لکھا کہ زندہ باد ہلالی پرچم والے برادر ممالک، کشمیر پاکستان کا حصہ ہے۔

Comments

یہ بھی پڑھیں