The news is by your side.

Advertisement

ترک اداکار اینجن التان کو دھوکہ دینے والے ملزم کی ضمانت منظور

لاہور : ترک ڈرامے ارتغرل غازی کے مرکزی کردار اداکار اینجن التان کو دھوکہ دینے والے نوسرباز  کاشف حسین کو عدالت سے ضمانت مل گئی، عدالت نے ملزم کو مچلکے جمع کرانے کا حکم دیا۔

ماڈل ٹاؤن کچہری میں پاکستان میں ترک اداکار اینجن التان کی میزبانی کرنے والے کاشف حسین کی ضمانت عدالت نے منظور کرلی۔

ماڈل ٹاؤن کچہری نے کاشف حسین کی ضمانت منظور کی، اپنے فیصلے میں عدالت نے ملزم کو50ہزار روپے کے مچلکے جمع کرانے کی ہدایت کی ہے یاد رہے کہ ملزم کاشف پر شہری کو دھمکیاں دینے کے الزام پر بھی مقدمہ درج ہے۔

خیال رہے کہ کاشف ضمیر نے ترک اداکار آنگین آلتن کو پاکستان بلانے کےلیے دس لاکھ ڈالرز کا معاہدہ کیا تھا اور انہیں صرف آدھی رقم ادا کی، رقم پوری نہ ملنے پر ارطغرل غازی کے ہیرو انگین وطن واپس روانہ ہوئے گئے۔

یہ بات بھی سامنے آئی ہے کہ آنگین آلتن کو پہلی بار پاکستان مدعو کرنے والی کنسٹرکشن کمپنی کی بھی کوئی حقیقت نہیں بلکہ وہ بھی فراڈ ہے۔ رپورٹ کے مطابق دھوکا دہی اور معاہدے کی رقم آدھی ادا کرنے کی وجہ سے ترکی میں پاکستان کا امیج بہت زیادہ متاثر ہوگا۔

مزید پڑھیں : ارتغل غازی آنگین آلتن سے فراڈ کرنے والا نوسرباز کاشف ضمیر گرفتار

پولیس ذرائع کے مطابق انگین التان کو پاکستان بلانے والا شخص ریکارڈ یافتہ ملزم کاشف ضمیر کے خلاف فراڈ، امانت میں خیانت، کار چوری اور ڈکیتی سمیت8 سنگین مقدمات درج ہیں، کاشف ضمیر کے خلاف لاہور میں چار سیالکوٹ اور ٹوبہ ٹیک سنگھ میں 2 دو مقدمات درج ہیں۔

Comments

یہ بھی پڑھیں