site
stats
عالمی خبریں

ترکش ائیرلائن کا کارگو طیارہ گر کر تباہ، 32 افراد ہلاک

انقرہ : ترکش ائیرلائن کا کارگو طیارہ گر کر تباہ ہوگیا ، جس کے نتیجے میں پائلٹ سمیت 32 افراد ہلاک ہوگئے۔

ترک میڈیا کے مطابق ترکش ائیرلائن کا کارگو طیارہ کرغزستان ایئرپورٹ کے قریب گر کر تباہ ہوگیا، کارگو طیارہ ہانگ کانگ سے بشکک جارہا تھا کہ ائیرپورٹ سے پچیس کلومیڑ دور آبادی پر گر گیا۔

turkish1

کارگو طیارہ آبادی پر گرنے کے باعث بچوں سمیت بتیس افراد ہلاک ہوئے اور پندرہ عمارتیں تباہ ہوگئیں جبکہ حادثے کے بعد ائیرپورٹ بند کردیا گیا۔

trukisj-to

امدادی رضاکاروں نے جائے وقوع پر پہنچ کرامدادی سرگرمیاں شروع کردی ہے۔

turkish-2

turkish-3

حکام نے خدشہ ظاہر کیا ہے کہ نجی ائیرلائن کا یہ طیارہ خراب موسم کے باعث گرکر تباہ ہوا جبکہ حادثے کی وجوہات جاننے کے لیے تحقیقات کی جارہی ہے۔


مزید پڑھیں : کولمبیا : کارگو طیارہ گر کر تباہ ،5 افراد ہلاک


یاد رہے کہ  گذشتہ سال دسمبر میں کولمبیا کا کارگو طیارہ گر کر تباہ ہوگیا تھا اور حادثے میں پانچ افراد ہلاک ہوئے تھے۔

کولمبیا کا کارگو طیارہ جو پورٹو کارینو سے بگوٹا جارہا تھا، ٹیک آف ہوتے ہی طیارہ سنبھل نہ پایا اور اڑان بھرتے ہی کریش ہوگیا، طیارے میں چھ افراد سوار تھے، حادثے میں پانچ افراد ہلاک اور ایک زخمی ہوا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top