میونخ: جرمن باکسنگ چیمپئن کے دوران ترک باکسر موسیٰ یامک رنگ میں دل کا دورہ پڑنے کے باعث چل بسے۔
غیرملکی خبررساں ادارے کی رپورٹ کے مطابق جرمنی کے شہر میونخ میں 38 سالہ ترک باکسر موسیٰ یامک رنگ میں یوگینڈا کے حمزہ وینڈیرا سے فائٹ کررہے تھے کہ میچ کے دوران انہوں اچانک دل کا دورہ پڑا جو جان لیوا ثابت ہوا۔
موسیٰ یامک کو فوری طبی امداد کے لیے اسپتال منتقل کیا گیا جہاں ڈاکٹرز نے ان کی موت کی تصدیق کی۔
فائٹ کے تیسرے راؤنڈ میں میچ کے دوران وینڈیرا نے یامک پر مکے برسائے تھے جس کے باعث وہ لڑکھڑا گئے تھے، میچ تمام ڈیجیٹل پلیٹ فارمز پر لائیو نشر کیا جارہا تھا۔
Turkish-German boxer Musa Yamak, 38, died of a heart attack during a fight that was being broadcast live. pic.twitter.com/fSFEwVSlQC
— 3 ~ VaccineInjuries.ca (@M_T_L514) May 17, 2022
ترک عہدیدار حسن توران نے سماجی رابطے کی ویب سائٹ ٹوئٹر پر کہا کہ ہم نے اپنے ہم وطن موسٰی اسکان یامک کو کھودیا ہے۔
واضح رہے کہ موسیٰ یامک نے حال ہی میں یورپی اور ایشیائی چیمپئن شپ جیتی تھی، موسیٰ کا تعلق ترکی کے شہر ایلورہ سے تھا۔