The news is by your side.

Advertisement

ترکی کے معروف شیف کا پاکستان پہنچتے ہی بڑا اعلان

اسلام آباد : ترکی کے معروف شیف براک اوزدامیرک نے پاکستان میں فوڈ چین قائم کرنے کا اعلان کرتے ہوئے کہا نتھیا گلی، مری ، لاہور اور اسلام آباد میں براک ریسٹورنٹ بناؤں گا۔

تفصیلات کے مطابق معروف شیف براک اوزدامیرک کی پاکستان آمد پر اسلام آباد میں تقریب کا انعقاد کیاگیا ، تقریب کے آغاز پر ترکی میں گزشتہ روز آنے والے زلزلے کے نتیجے میں جانبحق ہونے والوں کے لیے فاتحہ خوانی کی گئی، تقریب کے مہمان خصوصی ترک سفیر تھے۔

معروف شیف براک اوزدامیرک نے پریس کانفرنس کرتے ہوئے بتایا کہ میرا ایک سوشل میڈیا پیج بھی ہے، جس پر میرے فالورز کی تعداد دو کروڑ ہو چکی ہے۔

براک کا کہنا تھا کہ پاکستان اور ترکی دیرینہ دوست ہیں اور اس دوستی کے رشتے کو اپنی فوڈ چین کے ذریعے مزید مضبوط بنانا چاہوں گا۔

معروف شیف نے پاکستان میں ریسٹورنٹ کھولنے کی خواہش کا اظہار کرتے ہوئے کہا نتھیا گلی، مری ، لاہور اور اسلام آباد میں براک ریسٹورنٹ بناؤں گا۔

براک اپنے دورے کے دوران پاکستان کی متنوع ثقافت اور مہمان نوازی کا بحی جائزہ لیں گے اور پاکستان کے سیاحتی و ثقافتی مقامات کا دورہ بھی کریں گے۔

Comments

یہ بھی پڑھیں