ترک صدررجب طیب اردوان کا کہنا ہے کہ ترک افواج شام میں بشار حکومت کے خاتمے کیلئے داخل ہوئی ہیں، شامی صدر بشار الاسد دہشتگردی اور ہزاروں افراد کے قتل کے مرتکب ہیں۔
ترک میڈیا کے مطابق صدر اردوگان کا کہنا ہے کہ شامی صدر بشار الاسد دہشتگردی اور ہزاروں افراد کے قتل کے مرتکب ہیں، ترک افواج ریاستی دہشتگردی کرنے والی بشار حکومت کے خاتمے کیلئے شام میں داخل ہوئی ہیں۔
اردگان نے کہا کہ انقرہ کا شام پر قبضے کا ارادہ نہیں، انکا مقصد شامی عوام کو اقتدار دینا ہے۔
انکا مزید کہنا تھا کہ شامی تنازعہ میں اب تک دس لاکھ افراد لقمہ اجل بن چکے ہیں، شام میں ہونے والے قتلِ عام کو برداشت نہیں کرسکتے۔
مزید پڑھیں : داعش کو شکست دیناہماری اولین ذمہ داری ہے،ترک صدر
انہوں نے حزب اختلاف کی فری سیریئن آرمی کے ساتھ ملکر آپریشن کی بات بھی کی، ترک صدر نے اقوام متحدہ کو بھی شامی تنازع کے حل میں ناکامی پر تنقید کا نشانہ بنایا۔
دوسری جانب شام میں داعش کے خلاف آپریشن میں دو ترک فوجی لاپتہ ہوگئے ہیں۔
واضح رہے کہ واضح رہے ترک فوج کے دستوں نے 24اگست شام میں آپریشن شروع کیا تھا،ان دستوں نے داعش، کردش ڈیموکریٹک فورسز کے ٹھکانوں کو نشانہ بنایا تھا۔
