The news is by your side.

Advertisement

شاہ محمود قریشی سے ترک وزیرخارجہ کا ٹیلیفونک رابطہ

اسلام آباد: ترک وزیرخارجہ میولود چاوش اولو نے کوئٹہ میں دہشت گردی کی شدید مذمت کرتے ہوئے قیمتی جانوں کے ضیاع پر شاہ محمود قریشی سے تعزیت کی۔

تفصیلات کے مطابق وزیرخارجہ شاہ محمود قریشی سے ترک وزیرخارجہ میولود چاوش اولو نے ٹیلیفونک رابطہ کیا، میولوت چاوش اولو نے کوئٹہ میں دہشت گردی کے واقعے میں قیمتی جانوں کے ضیاع پر وزیرخارجہ سے تعزیت کی۔

وزرائے خارجہ کے درمیان گفتگو میں مشرق وسطی کی صورت حال پر تبادلہ خیال کیا گیا، شاہ محمود نے اپنے ترک ہم منصب کو عراقی وزیرخارجہ سے رابطے سے آگاہ کیا۔

شاہ محمود قریشی نے مشرق وسطی میں کشیدگی میں کمی کے لیے اقدامات سے مطلع کیا، وزیرخارجہ نے اپنے آئندہ دورہ ایران، سعودی عرب اور امریکا سے بھی ترک وزیرخارجہ کو آگاہ کیا۔

ترک وزیرخارجہ میولود چاوش اولو نے حالیہ کشیدگی میں کمی کے لیے پاکستان کی کاوشوں کو سراہتے ہوئے خطے میں قیام امن کے لیے کی جانے والی تمام کوششوں پر مکمل حمایت کا یقین دلایا۔

کوئٹہ میں دھماکا، ڈی ایس پی سمیت 15 افراد جاں بحق

یاد رہے کہ گزشتہ روز کوئٹہ میں سیٹلائٹ ٹاؤن کے علاقے اسحاق آباد کی مسجد میں دھماکے کے نتیجے میں ڈی ایس پی امان اللہ خان اور امام مسجد سمیت 15 افراد جان کی بازی ہار گئے تھے، دھماکا مغرب کی نماز کے دوران ہوا تھا۔

fb-share-icon0
Tweet 20

Comments

comments

یہ بھی پڑھیں