The news is by your side.

Advertisement

ترک صدر: تمام تعلیم یافتہ معذروں کیلیے ملازمتیں، 15 ہزار اساتذہ بھرتی

ترک صدر رجب طیب ایردوان کا انقلابی فیصلہ، تمام تعلیم یافتہ معذور افراد کو سرکاری ملازمتیں دینے کا اعلان کر دیا۔

ترک میڈیا کے مطابق اس وقت ترکی میں 2,927 تعلیم یافتہ معذور افراد ہیں جنھیں اس سال ملازمتیں دی جائیں گی جبکہ 8 فروری کو معذور سرکاری ملازم کو سال کا پہلا ایوارڈ دیا جائے گا۔

کنونشن سینٹر میں خطاب کرتے ہوئے ترک صدر نے 15 ہزار اساتذہ کو بھرتی کرنے کا اعلان کرتے ہوئے کہا کہ ترک ان چند ممالک میں شامل ہے جہاں کورونا وبا کے دوران تدریسی عمل جاری ہے۔

طیب اردوان نے کہا کہ 2021-22 تعلیمی سال وبا کے باوجود کامیابی سے ختم ہوا اور ترکی ان چند ممالک میں شامل رہا جہاں براہ راست تدریسی سرگرمیاں جاری رہیں ، دنیا کے بہت سے ممالک میں جہاں اساتذہ کی تقرریاں سوالیہ نشان تھیں وہیں ہم نے بھرتیوں کے سلسلے کو جاری رکھا۔

صدر اردوان نے بتایا کہ گزشتہ 19 سالہ اقتدار کے دوران حکومت نے 19729 اساتذہ کو بھرتی کرنے کا شرف حاصل کیا۔

Comments

یہ بھی پڑھیں