استنبول : ترک وزیرِاعظم نے یکم نومبر کےانتخابات سے قبل اپوزیشن جماعتوں کو عبوری حکومت میں شمولیت کی دعوت دیدی۔
وزیراعظم احمد اوغلو کا کہنا ہے کہ عوامی حمایت حاصل کرنے والی تمام سیاسی جماعتوں کو نمائندگی ملنی چاہیے، احمد اوغلو کے اعلان کے چند گھنٹوں بعد ہی دو جماعتوں نے احمد اوغلو کی کابینہ کا حصہ بننے سے انکار کردیا ہے، جس میں اے کے پارٹی کو اکثریت حاصل ہو۔
کردوں کی حامی اپوزیشن جماعت ایچ ڈی پی کے رہنما کا کہنا ہے کہ انکی پارٹی کےارکان عبوری کابینہ کا حصہ بننے کیلئے تیار ہیں لیکن داغلو کوشش کریں گے کہ انہیں شامل نہ کیا جائے۔
انکا کہنا تھا کہ انہیں حیرانی نہیں ہوگی اگر وزیرِاعظم آئین کی خلاف ورزی کرتے ہوئے ایچ ڈی پی کے بغیر حکومت تشکیل دیں۔
تجزیہ کاروں کے نزدیک کرد جنگجوؤں پر ترک طیاروں کی بمباری کیساتھ ایچ ڈی پی کاحکومت میں شامل ہونا متنازعہ ہوگا جبکہ صدراردگان ایچ ڈی پی پر جنگجوؤں سے تعلق رکھنے کا الزام عائد کرچکے ہیں۔
