استنبول : ترک وزیر اعظم بن علی یلدرم کا کہنا ہے کہ ہر سال 15جولائی کو یومِ جہموریت بنایا جائے گا، ترک عوام نے جہموریت کا ساتھ دیا ہے۔
ترک وزیر اعظم بن علی یلدرم نے پریس کانفرنس کرتے ہوئے کہنا ہے کہ گزشتہ رات کا واقعہ ترکی کیلئے سیاہ دھبہ ہے، واقعے نے ثابت کردیا ہے کہ ترک عوام جہموریت کا دفاع کریں گی۔
بن علی یلدرم نے جاں بحق افراد کے اہل خانہ سے تعزیت کا اظہار کیا اور کہا کہ ترک عوام نے ٹینکوں کے سامنے کھڑے ہوکر قوم کیلئے قر بانی دی۔
انکا کہنا تھا کہ چھوٹے سے گروپ نے جہموریت کو نقصان پہنچانے کی کوشش کی، قوم نے دہشت گردوں کو بہترین جواب دیا ہے۔
وزیراعظم کا کہنا تھا کہ دوہزار آٹھ سو سے انتالیس فوجی اہلکاروں نے بغاوت کی کوشش کی، اس کوشش کے دوران ایک سو اکسٹھ افراد شہید ہوئے ، بغاوت کے تمام مرکزی کرداروں کو گرفتارکرلیا گیا، باغیوں کے خلاف بغاوت کا مقدمہ چلایا جائے گا۔
ترک وزیر اعظم نے کہا کہ اپنی سیکیورٹی فورسز کو مبارکباد پیش کرتا ہوں۔
بن علی یلدرم نے کہا کہ آج شام گرینڈ اسمبلی کا اجلاس ہوگا، جس میں لائحہ عمل طے کیا جائے گا اور انھوں نے بغاوت کےخلاف ساتھ دینے پر اپوزیشن کاشکریہ ادا کیا۔
انھوں نے کہا کہ حمایت کرنے والے تمام دوست مملک کا شکر گراز ہوں، شہری آج شام دوبارہ سٹرکوں پر ترک پرچم لہرائیں۔
