انقرہ: ترکی میں ہیلی کاپٹرعراق کی سرحد کے قریب گر کر تباہ ہوگیا،جس کے نتیجے میں اس میں سوار تیرہ فوجی جاں بحق ہوگئے۔
تفصیلات کےمطابق ترک فوج کا کہناہےکہ ہیلی کاپٹر ٹیک آف کےتین منٹ بعد ہائی وولٹیج ٹرانسمیشن لائن سے ٹکرا کر تباہ ہوگیا جس کے نتیجے میں 13فوجی جان کی بازی ہارگئے۔
حادثہ عراقی سرحد کے قریب سرناک صوبے میں پیش آیا،فوجی حکام کے مطابق حادثے کی تحقیقات شروع کردی گئی ہیں۔
سائبیریامیں روسی ہیلی کاپٹرگرکر تباہ،19افراد ہلاک
خیال رہےکہ گزشتہ سال اکتوبرسائبیریا کے شمال مغربی علاقے میں خراب موسم کی وجہ سے ہیلی کاپٹر گرکرتباہ ہونے سے 19افراد ہلاک ہو گئےتھے۔
شام جانے والا روسی فوجی طیارہ گرکرتباہ،92افراد ہلاک
یاد رہےکہ دسمبر2016 کوروسی فوجی جہاز سمندر میں گر کر تباہ ہوگیا تھاجس کے نتیجے میں اہلکاروں، آرمی میوزک بینڈ اور صحافیوں سمیت 92 افراد جاں بحق ہوگئےتھے، طیارہ روس سے شام کے لیے روانہ ہوا تھا۔
ترک سرحدکےقریب شامی طیارہ گرکرتباہ
واضح رہےکہ5مارچ 2017 کو ترک حکام کا کہناہےتھا کہ شام اور ترکی کی سرحد کےقریب مبینہ طور پرایک شامی لڑاکا طیارہ گرکرتباہ ہوگیا تھاتاہم پائلٹ طیارے کےگرنے سے قبل بحفاظت نکلنے میں کامیاب ہوگیاتھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
