11ستمبر 2001کو امریکہ میں ہونے والے دہشت گردی کے سانحے کی کہانی پر مبنی ڈاکیومنٹری فلم’’ٹرننگ پوائنٹ 11/9 اینڈ دی وار آن ٹیرر‘‘کو ایوارڈ کیلئے چن لیا گیا۔
گزشتہ سال نیٹ فلکس پر ریلیز ہونے والی ڈاکیومنٹری ایمی ایوارڈ کے لیے جگہ بنانے میں کامیاب ہوگئی۔ نیٹ فلکس کی اس ڈاکیومنٹری کی خاص بات یہ ہے کہ اسے پاکستانی نژاد امریکی پروڈیوسر محمد علی نقوی نے پروڈیوس کیا ہے۔
محمد علی نقوی نے سماجی رابطوں کی ویب سائٹ ٹوئٹر پر اپنے لکھا ہے کہ ہم ایمی ایوارڈ کے لیے نامزد ہوگئے ہیں، سیاست اور حکومت پر بننے والی شاندار ڈاکیومنٹری۔
We just got nominated for an #Emmy !!!“Outstanding Politics and Government Documentary” @Netflix @newsemmys #EmmyNominations #turningpoint911 pic.twitter.com/5qiDEk9dw6
— Mohammed Ali Naqvi (@manaqvi) July 28, 2022
ڈاکیومنٹری ٹرننگ پوائنٹ کی کہانی امریکہ، افغانستان، 11/9 کی دہشت گردی اور القاعدہ کے گرد گھومتی ہے۔
محمد علی نقوی امریکہ میں رہنے والے پاکستانی فلم میکر ہیں جو انسانی حقوق، سماجی مسائل، انصاف، سیاست اور دیگر معاشرتی معاملات اور مسائل پر ڈاکومنٹریز بناتے ہیں۔
We just got nominated for an #Emmy !!!“Outstanding Politics and Government Documentary” @Netflix @newsemmys #EmmyNominations #turningpoint911 pic.twitter.com/5qiDEk9dw6
— Mohammed Ali Naqvi (@manaqvi) July 28, 2022
محمد علی نقوی اس سے قبل مختاراں مائی پر 2006 میں ’شیم‘نامی ڈاکیومنٹری بنا چکے ہیں جبکہ ان کی ڈاکیومنٹری ’امنگ دی بیلیورز‘بھی ایمی ایوارڈ کے لیے نامزد ہوچکی ہے۔
محمد علی نقوی صوبہ پختونخواہ کے شہر پشاور میں کم عمر لڑکوں کے ساتھ جنسی زیادتی کے موضوع پر بھی ڈاکیومنٹری ’پاکستان ہِڈن شیم‘بناچکے ہیں۔
ڈاکیومنٹری ٹرننگ پوائنٹ کے ایمی ایوارڈز کے لیے نامزد ہونے پر ٹوئٹر پر صارفین کی جانب سے پروڈیوسر علی نقوی کو مبارک باد دینے سلسلہ بھی جاری ہے۔
