صحافت ایک ایسا پیشہ ہے جس سے جڑا ہر شخص لوگوں کو خبر پہنچانے کے معاملے میں بہت حد تک جزباتی ہوتا ہے۔
انٹرنیٹ پر ایک ایسے ہی جذباتی رپورٹر کی ویڈیو وائرل ہوئی جس نے انوکھے انداز سے لائیو بیپر دے کر ناظرین کو صورت حال سے آگاہ کیا۔
یہ ویڈیو کینیڈین چینل کی ہے جس کے رپورٹر نے ٹورنٹو کی صورت حال اور سردی کی شدت بتانے کے لیے انوکھا انداز اپنایا اور برف میں کھڑے ہوکر براہ راست تفصیلات فراہم کیں۔
آپ یہ پڑھ کر سوچ رہے ہوں گے اس میں ایسا کیا انوکھا ہے کیونکہ اس سے قبل بھی بہت سے رپورٹر اسی انداز سے رپورٹنگ کرچکے ہیں مگر جیسے ہی انور نائٹ سے اینکر نے رابطہ کیا تو انہوں نے پہلے سلائیڈ کی اور ایک مقام پر رکنے کے بعد سردی کی شدت اور برفباری کے حوالے سے آگاہ کیا۔
View this post on Instagram
چینل کی یہ ویڈیو انٹرنیٹ پر شیئر ہوئی جس میں دیکھا جاسکتا ہے کہ جب رپورٹر نے برف پر اسکیٹنگ شروع کی تو اسٹوڈیو میں بیٹھی میزبان کو یقین نہیں آیا اور انہوں نے پوچھا کہ آپ نے یہ کیسے کیا۔
انور نے بتایا کہ وہ پہلے ایک پہاڑ پر موجود تھے جہاں سے پھلستے ہوئے وہ نیچے آئے اور وہ دوبارہ ایسا کرسکتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں