باکسرمحمدعلی کی موت پراہم شخصیات کا اظہارِ افسوس -
The news is by your side.

Advertisement

باکسرمحمدعلی کی موت پراہم شخصیات کا اظہارِ افسوس

عظیم باکسر محمد علی کے انتقال پر پوری دنیا میں سوگ کی کیفیت ہے، لیجنڈ باکسر محمد علی کے انتقال پر عالمی شخصیات نے افسوس کا اظہار کرتے ہوئے انہیں عظیم شخصیت قراردیا۔

لیجنڈ باکسرمحمدعلی کے انتقال پر نہ صرف کھیلوں بلکہ دنیا کے ہر شعبے سے تعلق رکھنے والی شخصیات نے دکھ کا اظہارکیا۔

پی ٹی آئی چیئرمین عمران خان نے ٹوئٹ میں اظہار افسوس کرتے ہوئے کہا کہ محمد علی بہترین اسپورٹس مین، بہت ٹیلنڈڈ، بہادر اور ذہین تھے۔

برطانوی وزیراعظم ڈیوڈ کیمرون کا کہنا ہے کہ محمد علی بہت سے افراد کے رول ماڈل تھے۔ وہ نہ صرف باکسنگ بلکہ انسانی حقوق کے بھی چیپمئین تھے۔

امریکی صدارتی امیدوار ڈونلڈ ٹرمپ نے کہا کہ محمد علی حقیقی چیمپئین اور عمدہ انسان تھے، کمی محسوس کریں گے۔

پاکستانی نژادبرطانوی باکسرعامرخان نے ٹوئٹ میں محمد علی کو عظیم شخصیت قرار دیتے ہوئے کہا کہ محمد علی کے جانے کے بعد پیدا ہونے والا خلا پر ہونے مشکل ہے۔

باکسر مائیک ٹائسن نے بھی محمد علی کی وفات پررنج وغم کا اظہارکیا۔

پاکستان پیپلز پارٹی کے چیئرمین بلاول بھٹو نے ایک ٹوئٹ میں محمد علی کے انتقال پر اظہارِافسوس کرتے ہوئے کہا کہ گڈ بائے محمد علی

بلاول بھٹو زرداری نے کہا کہ محمد علی نہ صرف ایک عظیم کھلاڑی تھے بلکہ وہ دنیا کے ان عظیم انسانوں میں سے تھے، جس نے باکسنگ کی رنگ اور باہر نسلی امتیاز کے خلاف اپنے مخالفین کے خلاف ایک ہی جذبے سے لڑائی کی، انکا مزید کہنا تھا کہ محمد علی کا نام ان کی جدوجہد کی وجہ سے انسان ذات کی تاریخ میں ایک سنہری باب کے طور پر صامل رہیں گے ،جس نے تمام دنیا کے لاکھوں لوگوں کے انسانی مساوات پر منفی خیالات اور رویوں کو تبدیل کر دیا۔

پاکستانی پنچ ماسٹر حسین شاہ کا کہنا ہے کہ وہ اپنے استاد سے محروم ہوگئے، ان سمیت پاکستان کے متعدد باکسر نے محمد علی سے بہت کچھ سیکھا۔ وہ ایک بہترین باکسر ،زبردست انسان اور سچے مسلمان تھے، انکا کہنا تھا کہ انہیں محمد علی کے انتقال کی خبر سے دھچکا لگا، عظیم باکسر کے جانے کا خلا پر نہیں ہوسکتا۔

اسکوائش لیجنڈ جہانگیر خان کا کہنا ہے کہ محمد علی جیسے ڈسپلن اسپورٹس پرسن کم ہی پیدا ہوتے ہیں۔

یاد رہے کہ عالمی شہرت رکھنے والے باکسر محمد علی آج اس دنیا سے کوچ کرگئے۔

Comments

comments

یہ بھی پڑھیں