پیرس: فرانس کی جڑواں بہنوں نے زندگی کی 100 بہاریں دیکھ لیں اور اپنی لمبی زندگی کا راز بھی بتادیا۔
غیرملکی خبررساں ادارے کے مطابق فرانس کی جڑواں بہنوں میری لی میری اور جینیویو بولی گینڈ نے آج اپنی 100 ویں سالگرہ کو پڑپوتوں کے ساتھ منا کر یادگار بنایا۔
دونوں جڑواں بہنوں سن 1919 میں ویسٹرن فرانس کے چھوٹے سے قصبے فے دی بریتگنے میں 17 اکتوبر کو پیدا ہوئیں۔
میری لی اور جینیویو کی سالگرہ کے موقع پر ان کے اہل خانہ سینٹ جوزف نرسنگ ہوم پہنچے اور اس لمحے کو جشن منا کر یادگار بنایا۔
ماضی کی یادیں تازہ کرتے ہوئے دونوں بہنوں کا کہنا تھا کہ جب ہم 17 سال کی تھیں تو والدین نے 1936 میں فیملی فارم خریدا جس میں ہم نے ہنسی خوشی زندگی بسر کی۔
میری لی اور بولی گینڈ کے مطابق جب 20 سال کی ہوئیں تو دوسری عالمی جنگ شروع ہوگئی۔
مزید پڑھیں: جڑواں بہنوں کی 102ویں سالگرہ
ان کا کہنا تھا کہ دوسری جنگ عظیم کے خاتمے کے بعد 1947 میں بولی گینڈ رشتہ ازدواج میں منسلک ہوگئیں اس کے دو سال بعد لی میری کی بھی شادی ہوگئی۔
بہنوں نے لمبی زندگی کا راز بتاتے ہوئے کہا کہ الکوحل سے دور رہیں، خاندان کے ساتھ زیادہ وقت گزاریں اور صحت مند خوراک کا استعمال کریں۔
بولی گینڈ کے مطابق ہم دونوں شادی کے بعد بھی ایک دوسرے سے رابطے میں رہتے تھے تاہم دونوں نے اپنی فیملی کی شروعات کردی تھی۔
رپورٹ کے مطابق بولی گیڈ کے چار بچے اور گیارہ بچوں کی وہ نانی یا دادی ہیں، ان کے 16 پڑپوتے ہیں، اسی طرح لی میری کے دو بچے ہیں، ایک بچے کی وہ دادی ہیں اور ان کے تین پڑپوتے ہیں۔
دونوں بہنیں 2016 میں دوبارہ نرسنگ ہوم میں زندگی گزارنے چلی گئی تھیں، ان کا کہنا ہے کہ وہ یہاں ساتھ ایک چھت تلے رہ کر بہت خوش ہیں۔
