The news is by your side.

ٹوئٹر سے ناراض صارفین نے دیگر ایپس کا استعمال شروع کردیا

سماجی رابطے کی مشہور ویب سائٹ ٹوئٹر کے مالک کی جانب سے متعدد متنازعہ فیصلوں کے بعد لاکھوں صارفین نے ٹوئٹر کو خیر باد کہنے کا فیصلہ کیا ہے۔

اس حوالے سے غیرملکی خبر رساں ادارے کی رپورٹ کے مطابق ایلون مسک کی جانب سے ٹوئٹر کا کنٹرول سنبھالنے اور ”بلیو ٹک“ پر آٹھ ڈالرز فیس جیسے اقدامات کے بعد لاتعداد صارفین نے اس پالیسی پر اپنی شدید ناراضی کا اظہار کیا ہے۔

ایسے کون سے پلیٹ فارمز ہیں جو ٹوئٹر کا متبادل ہوسکتے ہیں؟ جانیے
اسی ناراضی کے پیش نظر مذکورہ صارفین کا رجحان ٹوئٹر کو چھوڑ کر مسٹوڈن، کوہوسٹ، ٹروتھ سوشل، ٹرائبل سوشل، ٹمبلر اور کلب ہاؤس نامی ایپس پر بڑھ گیا ہے۔

مسٹوڈن :
رپورٹ کے مطابق ان ایپس میں سب سے نمایاں مسٹوڈن سافٹ ویئر ہے جس پر صارفین اپنے نئے اکاؤنٹس مرتب کررہے ہیں اور اب تک لاکھوں کی تعداد میں ٹوئٹر صارفین ”مسٹوڈن“پلیٹ فارم پر منتقل ہونا شروع ہوگئے ہیں۔

Decentralized social network Mastodon grows to 655K users in wake of Elon Musk's Twitter takeover | TechCrunch

مسٹوڈن سال2016 سے انٹرنیٹ پر موجود ہے اور اس کا فالوونگ سسٹم بھی ٹوئٹر جیسا ہی ہے لیکن اس میں لوگوں کے پاس اپنے سرور کے انتخاب کا آپشن ہوتا ہے۔

سوشل میڈیا پلیٹ فارم مسٹوڈن آمدنی کے لیے اشتہارات پر انحصار نہیں کرتا اور اس میں 500 حروف کی حد تک پیغام لکھنے کی گنجائش ہے، اس کے ساتھ ہی حسب ضرورت ایموجیز بھی موجود ہیں۔

اس حوالے سے مسٹوڈن کے بانی یوگن روچکو کا کہنا ہے کہ ان کا پلیٹ فارم اس نیٹ ورک کا اب تک کا سب سے بڑا پلیٹ فارم ہے اور 27 اکتوبر سے اب تک اس کے صارفین میں 2 لاکھ 30 ہزار کا اضافہ ہوچکا ہے۔

کوہوسٹ :
کوہوسٹ بھی اشتہارات کے بغیر ایک سوشل میڈیا پلیٹ فارم ہے اس پلیٹ فارم پر کی گئی پوسٹس ایک ٹائم لائن میں آتی ہیں جو بالکل ٹویٹر کی طرح ہیں۔

Cohost AI Property Management - Apps on Google Play

ٹروتھ سوشل :
یہ ادارہ سابق امریکی صدر ڈونلڈ ٹرمپ کی جانب سے قائم کیا گیا، ٹروتھ سوشل ایک ایسا پلیٹ فارم ہے جسے قدامت پسندوں نے پسند کیا ہے اور اسے حال ہی میں ایپل انکارپوریشنز آئی او ایس اور گوگل کی ملکیت والے اینڈرائیڈ پر متعارف کیا گیا تھا، ٹروتھ سوشل صرف امریکا میں صارفین کے لیے دستیاب ہے۔

Trump's Truth Social barred from Google Play store over content moderation concerns

ٹرائبل سوشل :
یہ ایک گراس روٹ سوشل ایپلیکیشن ہے جو ایپل کے ایپ اسٹور اور اینڈرائیڈ پر بھی دستیاب ہے یہ پلیٹ فارم سال 2018 میں قائم کیا گیا تھا۔

مذکورہ پلیٹ فارم صارفین کو پوسٹ پر اپنے فالورز کی تعداد بڑھانے کی سہولت دیتا ہے اور جہاں صارفین مختلف موضوعات پر ماہرین بھی تلاش کرسکتے ہیں۔

 

ٹمبلر :
ٹمبلر ایک سوشل میڈیا ویب سائٹ ہے جس کا آغاز سال 2007 میں کیا گیا تھا یہ ایپ اپنے صارفین کو تصاویر اور ’جفس‘ کے ساتھ طویل بلاگ طرز کا مواد پوسٹ کرنے کی سہولت دیتی ہے۔

اس کے علاوہ یہ پلیٹ فارم اپنے صارفین کو ٹویٹر کی براہ راست پیغام رسانی کے نظام کی طرح ایک دوسرے کے ساتھ چیٹ کرنے کی بھی اجازت دیتا ہے۔

کلب ہاؤس :
کلب ہاؤس ایک ایسا پلیٹ فارم ہے جو لائیو آڈیو چیٹ رومز کی سہولت فراہم کرتا ہے اس ایپ نے عالمی وبا کورونا کے عروج کے دنوں میں کافی مقبولیت حاصل کی۔

Clubhouse: Here you are

کلب ہاؤس صارفین کو دنیا بھر کے لوگوں کے ساتھ ایسے چیٹ کرنے کی سہولت حاصل ہے جیسے کہ وہ سب کسی کمرے میں موجود ہوں اور باہمی دلچسپی کے موضوعات پر گفتگو کرسکتے ہیں۔

Comments

یہ بھی پڑھیں