تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹرمپ کے بعد ٹویٹر نے ایرانی سپریم لیڈر کا ٹویٹ بھی ہٹادیا

تہران: ٹویٹر نے امریکی صدر ڈونلڈ ٹرمپ کے بعد ایرانی سپریم لیڈر آیت اللہ خامنہ ای کا ٹویٹ بھی ہٹادیا۔

غیرملکی خبررساں ادارے کی رپورٹ کے مطابق سماجی رابطے کی ویب سائٹ ٹویٹر نے قوانین کی خلاف ورزی پر ایرانی سپریم لیڈر آیت اللہ اللہ خامنہ ای کا ٹویٹ ہٹادیا۔

ٹویٹر انتظامیہ کا کہنا ہے کہ ایرانی سپریم لیڈر خامنہ ای کی پوسٹ نے ٹویٹر قوانین کی خلاف ورزی کی ہے۔

واضح رہے کہ آیت اللہ خامنہ ای نے کورونا ویکسین کو ناقابل اعتبار قرار دیا تھا، ان کا کہنا تھا کہ کورونا ویکسین امریکا اور برطانیہ نے بنائی ہے یہ ناقابل اعتبار ہے۔

یاد رہے کہ اس سے قبل کیپیٹل ہل واقعے کے بعد مائیکرو بلاگنگ سائٹ ٹوئٹر نے امریکی صدر ٹرمپ کا ٹوئٹر اکاؤنٹ مستقل بلاک کردیا تھا۔

ٹوئٹر کی جانب سے جاری بیان میں کہا گیا تھاکہ کمپنی نے تشدد کے مزید واقعے کے خدشے کے پیش نظر ٹرمپ کا اکاؤنٹ مستقل بلاک کیا اور یہ فیصلہ ٹرمپ کی حالیہ ٹوئٹس کا باریک بینی سے جائزہ لینے کے بعد کیا گیا۔

دوسری جانب ٹوئٹر نے ٹرمپ کی دوسرے سرکاری اکاونٹ ’پوٹس‘سے ٹوئٹ کی کوشش بھی ناکام بناتے ہوئے ٹوئٹ بلاک کردی۔

Comments

- Advertisement -