سماجی رابطے کی ویب سائٹ ٹوئٹر نے اپنی لائیو آڈیو پراڈکٹ اسپیسز کے لیے کئی نئے فیچرز کو متعارف کرایا ہے۔
ان نئے فیچرز میں سب سے نمایاں اسپیسز میں ہوسٹ اور کو ہوسٹ کو اینالیٹکس تک رسائی دینا ہے، اس فیچر کے تحت ہوسٹ اور کو ہوسٹ کو یہ معلوم ہوسکے گا کہ کسی براڈکاسٹ کو لائیو سننے والے افراد کتنے تھے، کتنی بار اسے دوبارہ سنا گیا اور اسپیس کے دوران کتنے افراد نے بات کی۔
اینالیٹکس فیچر کی آزمائش مارچ سے ہورہی تھی مگر اب یہ آئی او ایس اور اینڈرائیڈ پر اس پلیٹ فارم کے تمام صارفین کو دستیاب ہوگا۔
اس کے علاوہ ایک اور نیا فیچر بھی آئی او ایس اور اینڈرائیڈ صارفین کے لیے متعارف کرایا جارہا ہے اور اس کی آزمائش جاری ہے جس سے ایک اسپیس شروع کرنے پر اسپیس کارڈ ٹوئٹ کرنا ممکن ہوگا۔
wanna learn more about the Space you see at the top of the tl?
Starting today, some people on Android will see more info on the Space bar like who’s hosting, Topics, who’s shared a Tweet and more. Tell us what you think! pic.twitter.com/Oqhc6XqOBT
— Spaces (@TwitterSpaces) May 5, 2022
ٹوئٹر کے مطابق اس نئے فیچر سے صارفین کے لیے اسپیسز میں لوگوں کو لانا اور اسے شیئر کرنا آسان ہوجائے گا۔
کمپنی کے مطابق ایک اور نیا فیچر آئی او ایس اور اینڈرائیڈ پر متعارف کرایا جارہا ہے جس سے لوگوں کے لیے کسی اسپیس کو دیکھنا اور اس کا حصہ بننا آسان ہوجائے گا۔
یعنی ہوسٹ کو اپنے اسپیسز کے سامعین بڑھانے کے لیے لنک کو ٹوئٹ کرنے کی ضرورت نہیں ہوگی۔
learn more about your Space ✍️
Hosts and co-hosts on iOS and Android will now have access to analytics like total live listeners, total replays, and speakers — take a look and let us know what you think! pic.twitter.com/OrCDKJXOhx
— Spaces (@TwitterSpaces) May 4, 2022
ٹوئٹر کی جانب سے اسپیسز کے بارے میں جاننا بھی آسان کیا جارہا ہے اور اسپیسز بار اب ٹائم لائن کے اوپر ہوگی۔
صارفین کے لیے اسپیسز ہوسٹس کو فالو کرنا بھی آسان کیا جارہا ہے اور کسی اسپیس کے ختم ہونے پر صارفین ہوسٹس اور اسپیکرز کی فہرست کو دیکھ سکیں گے اور وہاں فالو کرنے کا آپسن بھی ہوگا۔
