نئی دہلی: بھارت میں لاک ڈاؤن کے دوران بیروزگار نوجوان کی ویڈیو وائرل ہوگئی جس میں وہ کہہ رہا ہے کہ ’ ہمارے پاس ایک روپیہ بھی نہیں ہے، ہم یہاں پر بھوکے مرجائیں گے‘۔
گلف نیوز کی رپورٹ کے مطابق بھارتی دارالحکومت دہلی میں بٹو نامی نوجوان سلائی کے کام سے بیروزگار ہوا تو اس نے کڑکٹی دھوپ میں کھانے پینے کے لیے اپنی بڑی بہن کے گھر جانے کا فیصلہ کیا تو لاک ڈاؤن کی خلاف ورزی نام پر پولیس اہلکار نے اسے تشددکا نشانہ بنا ڈالا۔
بٹو کا کہنا ہے کہ جب وہ بہن کے گھر جارہا تھا تو پولیس نے اسے آدھے راستے میں پکڑ لیا اور بہیمانہ تشدد کا نشانہ بنایا، ویڈیو میں دیکھا جاسکتا ہے کہ وہ اپنے اوپر گزری مشکلات کا ذکر کرتے ہوئے پھوٹ پھوٹ کا رو رہا ے، بٹو کا کہنا ہے کہ میں نے فیصلہ کیا تھا کہ 15 اپریل کو بہن کے گھر جانا ہی بہتر ہے ورنہ ہم بھوک سے مر جائیں گے۔
Hello, Good evening . Hope you made good Dalgona coffee and bread pizza at home.
Our reporter @AnoopNbt met this migrant labour on road. There were no words.
I hope you will have a sound sleep in AC tonight since temperature is 40 plus now pic.twitter.com/NqF6QgFJmY
— Ashish (@AshishXL) April 15, 2020
بھارتی صحافی نے اس دن نوجوان کو سڑک پر روتے ہوئے دیکھا تو اس نے رہا نہ گیا اور اس نے ایک ویڈیو سوشل میڈیا پر شیئر کردی جس نے ہر کسی کو افسردہ کردیا۔
صحافی کا کہنا ہے کہ ویڈیو وائرل ہونے کے بعد کچھ لوگوں نے اس کے بینک اکاؤنٹ کی تفصیلات طلب کی ہیں، بٹو کے مالک مکان نے اسے گھر سے بھی نکال دیا ہے اور اس کے پاس مکان مالک کا موبائل نمبر موجود ہے۔
مذکورہ ویڈیو جلد ہی اعلیٰ حکام تک پہنچ گئی اور انہوں نے بٹو کو اس کی بہن تک پہنچانے میں اس کی مدد کی، دہلی کے ایک سیاسی رہنما نے کہا کہ بٹو اپنے کنبہ کے ساتھ محفوظ ہیں اور انہیں مالی امداد فراہم کردی گئی ہے۔
