کراچی میں ایس آئی یو کی کارروائی ‘2 ملزمان گرفتار -
The news is by your side.

Advertisement

کراچی میں ایس آئی یو کی کارروائی ‘2 ملزمان گرفتار

کراچی : شہرقائد میں اسپیشل انویسٹی گیشن یونٹ نے کارروائی کرتے ہوئے 2 مطلوب ملزمان کو گرفتار کر لیا۔

تفصیلات کے مطابق اسپیشل انویسٹی گیشن یونٹ نے حب ریور روڈ پرکارروائی کرتے ہوئے گینگ وار کمانڈرجاوید پیٹرول والا، ملزم عبد الحمید عرف حمیدو کوگرفتارلیا۔

ایس ایس پی طارق دھاریجو کے مطابق ملزم جاوید پیٹرول والا دہشت گردی، ٹارگٹ کلنگ میں ملوث ہے، ملزم چاکیواڑہ کا کنٹرول سنبھالتا تھا۔

ایس ایس پی کا کہنا ہے کہ گینگ وارکمانڈر جاوید پیٹرول والا پر قتل، اقدام قتل، دہشت گردی کےمقدمات ہیں۔


کراچی میں لوٹ مار، ڈاکؤوں نے خاتون پرنسپل کو گولی ماردی


ایس ایس پی طارق دھاریجو کا کہنا ہے کہ ملزم عبدالحمید عرف حمید و پنجاب پولیس کومطلوب تھا، ملزم عبدالحمید کے خلاف ملتان میں 8 مقدمات درج ہیں۔

ایس ایس پی کا کہنا ہے کہ دونوں ملزمان سے اسلحہ برآمد ہوا ہے جبکہ ملزمان سے تفتیش کی جا رہی ہے۔


کراچی میں پولیس مقابلہ‘ 2 اغوا کار ہلاک


یاد رہے کہ دو روز قبل کراچی کے علاقے گلستان جوہر میں بچے کو اغوا کے بعد تاوان لےکررہا کرنے والے 2 ملزمان پولیس مقابلے میں ہلاک ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں