The news is by your side.

Advertisement

پولیس افسران کے قتل میں ملوث 2 افغان شہری گرفتار

اسلام آباد : پولیس نے افسران کے قتل میں ملوث دو افغان شہریوں کو گرفتار کرلیا ، ملزمان نے آئی جے پی روڈ پر پولیس کے 2جوانوں کو بھی شہید کرنے کا انکشاف کیا ہے۔

تفصیلات کے مطابق اسلام آباد میں آپریشنزاورسی ٹی ڈی نےگولڑہ میں مکان پرچھاپہ مارا ، چھاپے کے دوران گھر میں موجودملزمان نےپولیس پرفائرنگ کردی جبکہ اندھیرے کا فائدہ اٹھاتےہوئے 2 ملزمان فائرنگ کرتے فرار گئے۔

اسلام آباد پولیس کے مطابق کارروائی میں دو افغان شہری گرفتار کرلیا ہے ، ملزمان سے5دستی بم ،2پستول اوربڑی تعداد میں ایمونیشن بھی برآمد ہوئی۔

پولیس نے بتایا ملزمان میں سجادعرف چوچواورنورمحمدعرف نورمےشامل ہیں ، دونوں ملزمان ترنول ناکے پر پولیس افسران محسن ظفر اور سجاد احمد کو شہید کرنے میں ملوث ہیں۔

پولیس کا کہنا ہے کہ ملزمان نے آئی جےپی روڈپرپولیس کے 2جوانوں کو بھی شہید کرنےکاانکشاف کیا ہے جبکہ فرار2ملزمان کی گرفتاری کیلئے چھاپے مارے جارہے ہیں۔

یاد رہے رواں ماہ فیڈرل انویسٹی گیشن ایجنسی،حساس اداروں نے پنجاب میں کارروائیوں کے دوران بڑے پیمانے پر جعلسازی میں ملوث 17 ملزمان کوگرفتار کر کے 5 ہزار سمز برآمد کرلی تھیں۔

ملزمان کے قبضے سے بی وی ایس ڈیوائس بھی برآمد ہوئی، ملزمان کا نیٹ ورک پورے پاکستان میں پھیلا ہوا تھا، ملزمان فون کالز کے ذریعےشہریوں کو کروڑوں روپے کا چونا لگاچکےتھے۔

Comments

یہ بھی پڑھیں