The news is by your side.

Advertisement

کراچی، اسٹریٹ کرمنل قرار دے کر 2 بھائیوں‌ پرشہریوں‌ کا تشدد

کراچی: شہر قائد کے علاقے خواجہ اجمیر نگری میں شہریوں نے اسٹریٹ کرمنلز  قرار دے کر 2 بھائیوں کو تشدد کا نشانہ بنا ڈالا۔

تفصیلات کے مطابق کراچی کے علاقے خواجہ اجمیر نگری موبائل مارکیٹ کے قریب شہریوں نے 2بھائیوں کو اسٹریٹ کرمنلز قرار دے کر تشدد کا نشانہ بنانے کے بعد پولیس کے حوالے کردیا۔

شہریوں کا کہنا ہے کہ ملزمان اے ٹی ایم سے رقم نکالنے والے شہری سے لوٹ مار کے بعد فرار ہورہے تھے۔

پولیس کا کہنا ہے کہ مبینہ دونوں ڈاکو بھائی ہیں، ان کے پاس سے کوئی اسلحہ برآمد نہیں ہوا، وقوعہ پر ڈاکو قرار دے کر شہریوں نے بدترین تشدد کا نشانہ بنایا، مبینہ ملزموں سے برآمد موٹر سائیکل بھی ان کی اپنی ہے۔

پولیس کا کہنا ہے کہ دونوں بھائی نیو کراچی سیکٹر 11 ایف کے رہائشی ہیں، اب تک کوئی مدعی بھی مبینہ ڈاکوؤں کے خلاف سامنے نہیں آیا ہے۔

شہریوں کے تشدد سے زخمی ہونے والے شہریار اور تیمور کو عباسی شہید اسپتال منتقل کردیا گیا۔

شہریار کا کہنا تھا کہ لوگوں کو بتایا کہ میں ڈاکو نہیں ہوں، نیو کراچی کے رہائشی ہیں، سرجانی جارہے تھے کہ شہریوں نے پکڑ لیا، ہم دونوں بھائی گارمنٹس کا کام کرتے ہیں۔

دوسری جانب لانڈھی پولیس نے کامیاب کارروائی کرتے ہوئے اسکول میں ڈکیتی کرنے والے ملزم کو گرفتار کرلیا۔

پولیس کا کہنا ہے کہ ملزم نے 2 ماہ قبل لانڈھی نمبر 6 میں واقع اسکول میں واردات کی تھی، ملزم کے قبضے سے اسلحہ برآمد کرلیا گیا ہے۔

پولیس کا کہنا ہے کہ ملزم اسکول میں مذہبی جماعت کے نام پر چندہ بھی لیا کرتا تھا۔

ادھر سرجانی تیسر ٹاؤن میں فائرنگ سے ایک شخص جاں بحق ہوگیا، جاں بحق شخص کی شناخت اظہار الحسن کے نام سے ہوئی ہے۔

مرزا آدم خان روڈ لیاری میں ٹریفک حادثے کے نتجے میں ایک شخص جاں بحق اور 3 زخمی ہوگئے، حادثے میں زخمی ہونے والوں کو فوری طور پر طبی امداد کے لیے اسپتال منتقل کردیا گیا۔

fb-share-icon0
Tweet 20

Comments

comments

یہ بھی پڑھیں