site
stats
پاکستان

چنیوٹ میں پولیس کی کارروائی‘ 2 دہشت گرد گرفتار‘ اسلحہ برآمد

Chiniot

فیصل آباد : صوبہ پنجاب کے شہر چنیوٹ میں پولیس نے کارروائی کرکے دو دہشت گردوں کو گرفتار کرکے اسلحہ سے بھری گاڑی پکڑ لی۔

تفصیلات کے مطابق پنجاب کے شہر چنیوٹ میں پولیس نےخفیہ اطلاع پر کارروائی کرتے ہوئے 2 دہشت گردوں کو گرفتار کرکے اسلحے سے بھری گاڑی اپنی تحویل میں لے لی۔

پولیس کا کہنا ہے دہشت گردوں کے قبضے سے 16 پسٹل، 19 رائفلیں اور 25 ہزار سے زائد گولیاں برآمد ہوئی ہیں جبکہ پولیس نے ملزمان سے تفتیش شروع کردی ہے۔

پولیس حکام نے خدشہ ظاہر کیا ہے کہ یہ اسلحہ محرم الحرام میں دہشت گردی کےلیے استعمال کیا جانا تھا۔


سی ٹی ڈی کی ملتان میں کارروائی‘2 دہشت گرد ہلاک


خیال رہے کہ رواں ہفتے 18 ستمبر کو ملتان کے علاقے جلال پورپیر والامیں سی ٹی ڈی کی خفیہ اطلاع پر کارروائی میں 2 دہشت گرد ہلاک جبکہ 4 رات کی تاریکی کا فائدہ اٹھا کر فرار ہونے میں کامیاب ہوگئے تھے۔

سی ٹی ڈی حکام کے مطابق ہلاک دہشت گردوں قبضے سے ہینڈ گرنیڈ، اسلحہ اور بارودی مواد بھی برآمد ہوا تھا۔


لاہورمیں سی ٹی ڈی کی کارروائی‘ 4 دہشت گرد ہلاک


یاد رہے کہ گزشتہ ماہ لاہور میں سی ٹی ڈی کی خفیہ اطلاع پرسگیاں پل کےقریب کارروائی میں کالعدم تنظیم کے چار دہشت گرد ہلاک جبکہ ان کے قبضے سے 2 کلاشنکوفیں، رائفل اور دھماکہ خیز مواد برآمد ہوا تھا۔


سی ٹی ڈی کی گجرات میں کارروائی‘ 3 دہشت گرد ہلاک


واضح رہے کہ رواں سال 3 اگست کو سی ٹی ڈی نے گجرات میں کارروائی کے دوران کالعدم تنظیم کے تین دہشت گردوں کو ہلاک کردیا تھا جبکہ دہشت گردوں کے قبضے سے بارودی مواد، کلاشنکوف اور ڈیٹونیٹر برآمد ہوئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top