The news is by your side.

Advertisement

کراچی میں کورونا وائرس کے مزید 2 مریض چل بسے

کراچی : کراچی میں کوروناوائرس کے2مریض دوران علاج دم توڑ گئے ، جس کے بعد کراچی میں کورونا سے اموات کی تعداد 5 اور ملک بھر میں 20 ہوگئیں۔

تفصیلات کے مطابق وزیر صحت سندھ عذراپیچوہو نے کراچی میں کورونا وائرس کے مزید 2مریض کے جاں بحق ہونے کی تصدیق کرتے ہوئے کہا ہے کہ 52 اور 66 سال کے مریضوں کو 3دن قبل اسپتال لایاگیاتھا۔

عذراپیچوہو کا کہنا تھا کہ سندھ میں کورونا وائرس سےجاں بحق پانچوں افراد کا تعلق کراچی سےتھا، کراچی میں کورونا وائرس سے متاثرہ افراد کی تعداد 222 ہوگئی۔

وزیرصحت سندھ نے بتایا سندھ بھر میں کورونا وائرس سے متاثرہ افراد کی تعداد 502 ہے، دادو سے ایک، حیدرآباد سے 7، لاڑکانہ سے 7کیس رپورٹ ہوئے جبکہ سکھر میں کورونا وائرس سے متاثرہ افراد کی تعداد 265 ہے۔

ان کا کہنا تھا کہ سندھ بھر میں 14مریض صحت یاب،5افرادجاں بحق ہوچکے ہیں ، صحت یاب 13 افراد کا تعلق کراچی اور ایک کا حیدرآباد سے ہے۔

اس سے قبل ملک میں کوروناوائرس کےمزید2مریض انتقال کرگئے تھے ، جہلم سےتعلق رکھنےوالامریض راولپنڈی میں زیرعلاج تھا جبکہ کورونا سے جاں بحق دوسرے مریض کا تعلق واہ سے تھا۔

خیال رہے پاکستان میں کوروناوائرس کیسزکی تعداد1625 تک پہنچ گئی اور 11کی حالت تشویشناک ہیں جبکہ وائرس کے 28 مریض صحتیاب ہوچکے ہیں۔

fb-share-icon0
Tweet 20

Comments

comments

یہ بھی پڑھیں