The news is by your side.

Advertisement

غیرملکیوں کوپاکستانی شناختی کارڈ پرموبائل سمیں فروخت کرنےوالےدوافراد گرفتار

کراچی : کراچی پورٹ ٹرسٹ میں حساس اداروں نے چھاپا مار کارروائی کرتے ہوئے 2 افراد کو گرفتار کرلیا جو غیر ملکیوں کو غیر قانونی طور پر سم فروخت کیا کرتے تھے جسے غیر قانونی سرگرمیوں مختلف سوشل میڈیا اکاؤنٹ کے لیے استعمال کیا جاتا تھا.

تفصیلات کے مطابق خفیہ اطلاع پر حساس اداروں نے کراچی پورٹ ٹرسٹ میں چھاپا ماکر کر دو افراد کو حراست میں لے کر بڑی تعداد میں موبائل فون سمیں برآمد کرلی ہیں جو غیر ملکیوں کو فی سم 100 ڈالر میں فروخت کیا کرتے تھے.

ذرائع کے مطابق غیرملکیوں کوموبائل سم پاکستانی شناختی کارڈ پرایکٹیو کروا کر دی جاتی تھی اور اس سم پرغیرملکی افراد واٹس ایپ اور دیگر سوشل میڈیا کے اکاؤنٹ بنا کر غیر قانونی سرگرمیاں انجام دیتے تھے اور یوں اپنی شناخت چھپانے میں کامیاب ہوجاتے تھے.

ذرائع کے مطابق اس منظم دھندے میں سرکاری اداروں کے اہلکاروں کے ملوث ہونے کا انکشاف ہوا ہے جس کے بعد گروہ کے دیگر افراد کی گرفتاری کے لیے چھاپے مارے جا رہے ہیں اور جلد ملزمان کو گرفتار کر کے نیٹ ورک کو توڑ دیا جائے گا.

دوسری جانب حساس اداروں کی جانب سے کی گئی کارروائی کے بعد کراچی پورٹ ٹرسٹ پر سیکیورٹی سخت کردی گئی ہے اور داخلی و خارجی راستوں پر تعینات حفاظتی گارڈز بغیر شناخت کے نقل و حمل کی اجازت نہیں دے رہے ہیں.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں