تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

یو اے ای، ہولناک ٹریفک حادثہ، 2 افراد جاں بحق، 4 زخمی

دبئی: متحدہ عرب امارات کی ریاست دبئی میں ہولناک ٹریفک حادثے کے نتیجے میں 2 افراد جاں بحق اور 4 زخمی ہوگئے۔

غیرملکی خبررساں ادارے کی رپورٹ کے مطابق دبئی کے شیخ محمد بن زید روڈ پر پک اپ اور ٹرک میں تصادم کے نتیجے میں 2 افراد جاں بحق اور 4 زخمی ہوگئے۔

ڈائریکٹر جنرل دبئی ٹریفک پولیس ڈیپارٹمنٹ بریگیڈیئر سیف مہائر کا کہنا ہے کہ حادثہ صبح ساڑھے پانچ بجے پک اپ اور ٹرک کے درمیان تصادم کے نتیجے میں پیش آیا۔

بریگیڈیئر سیف مہائر کے مطابق حادثہ اس وقت پیش آیا جب ٹرک کا ٹائر پھٹا اور وہ دوسری لین میں آگیا، پک اپ کا ڈرائیور تیز رفتاری کے سبب بروقت بریک نہ لگا سکا اور ٹرک سے جاٹکرایا۔

مزید پڑھیں: یو اے ای، خوفناک ٹریفک حادثہ، گاڑی میں آگ بھڑک اٹھی

حادثے کے نتیجے میں جاں بحق اور زخمی ہونے والے شہریوں کو فوری طور پر اسپتال منتقل کیا گیا جہاں زخمیوں کو طبی امداد کی فراہمی جاری ہے۔

دبئی پولیس نے تمام ڈرائیوروں سے اپیل کی ہے کہ وہ اپنی اور دوسرے شہریوں کی حفاظت کے لیے ٹریفک کے قواعد و ضوابط پر سختی سے عمل کریں۔

بریگیڈیئر سیف مہائر نے کہا کہ تمام ڈرائیوروں کو چاہئے کہ وہ گاڑی کے پہیوں پر فوکس رکھیں اور گاڑی کی مینٹینس کا خیال کریں تاکہ حادثے سے بچا جاسکے۔

یاد رہے کہ 5 دسمبر کو بھی متحدہ عرب امارات کی ریاست راس الخیمہ میں گاڑی بجلی کے کھمبے سے ٹکرا گئی تھی جس کے نتیجے میں گاڑی میں خوفناک آگ بھڑک اٹھی تھی۔

Comments

- Advertisement -