The news is by your side.

اوسلو: نائٹ کلب میں اندھا دھند فائرنگ دو افراد ہلاک

اوسلو : ناروے میں ایک نائٹ کلب پر مسلح حملے میں 2 افراد ہلاک اور متعدد زخمی ہوگئے۔ دارالحکومت اوسلو میں ایک مسلح شخص نے نائٹ کلب میں گھس کر اندھا دھند فائرنگ کی۔

پولیس کے ترجمان نے مقامی میڈیا کو بتایا کہ ملزم کو حملے کے چند منٹ بعد ہی گرفتار کر لیا گیا تھا، تاہم اس سے قبل حملہ آور نے جائے وقوعہ اور اس کے قریب ایک سڑک پر موجود لوگوں پر اندھا دھند فائرنگ کی تھی۔

ناروے کے مقامی صحافی نے عینی شاہد کے طور پر بتایا کہ میں نے ایک شخص کو بیگ کے ساتھ دیکھا جس نے کچھ دیر بعد بندوق اٹھا کر لوگوں کو گولیاں برسانا شروع کردیں۔

Thumbnail image

نیویارک ٹائمز کی رپورٹ کے مطابق حملہ آور نے اوسلو کے مرکز ميں واقع لندن پب نامی نائٹ کلب کے باہر فائرنگ کی، پوليس کا کہنا ہے کہ اس واقعے کے تحقيقات دہشت گردانہ حملے کے طور پر کی جا رہی ہيں۔

غیر ملکی خبر رساں ادارے کی رپورٹ کے مطابق اوسلو پولیس نے حملے میں دو اموات کی تصدیق کی ہے، پولیس کا کہنا تھا کہ 14 افراد کو ہسپتال لے کر جایا گیا ہے جن میں سے کچھ کی حالت تشویشناک ہے۔

پولیس نے بتایا ہے کہ اوسلو نائٹ کلب اور شراب خانے میں فائرنگ کرنے والا ملزم ایرانی نژاد نارویجئن شہری ہے۔ ناروے کے محکمہ سراغ رسانی کے پاس ملزم کا مجرمانہ ریکارڈ پہلے سے موجود تھا جس میں وہ چاقو اور منشیات رکھنے جیسے معمولی واقعات میں جیل کاٹ چکا ہے۔

Comments

یہ بھی پڑھیں