The news is by your side.

Advertisement

کراچی میں گاڑی اور رکشہ ٹکرا گئے، 2 افراد جاں بحق

کراچی: شہرقائد کے علاقے کلفٹن میں ویگو گاڑی اور رکشہ ٹکرا گئے جس کے نتیجے میں 2 افراد جان کی بازی ہار گئے۔

تفصیلات کے مطابق کراچی کے علاقے کلفٹن میں ویگو گاڑی اور رکشے میں تصادم کے نتیجے میں 2 افراد جاں بحق جبکہ 6 افراد زخمی ہوگئے۔

حادثے کی اطلاع ملتے ہی ریسکیو اہلکاروں نے جائے وقوع پر پہنچ کر زخمیوں کو جناح اسپتال منتقل کیا جہاں انہیں طبی امداد دی جا رہی ہے۔

ریسکیو حکام کے مطابق حادثے میں جاں بحق افراد میں خاتون اور بچہ شامل ہیں۔

پولیس حکام کا کہنا ہے کہ حادثہ تیز رفتار کارکے موڑ کاٹنے کے دوران پیش آیا، حادثے کے ذمہ دار کار ڈرائیور کو حراست میں لے لیا گیا۔

بھکرمیں رکشہ بس کی زد میں آگیا‘ 7 افراد جاں بحق

یاد رہے کہ رواں سال 30 مارچ کو بھکر میں جھنگ روڈ جیسے والا کے قریب رکشہ بس کی زد میں آگیا، افسوس ناک حادثے میں 7 افراد جان کی بازی ہار گئے تھے۔

ریسکیو حکام کے مطابق جاں بحق افراد میں 6 طالبات اور رکشہ ڈرائیور شامل تھا، طالبات نویں جماعت کا پرچہ دینے کے بعد گھر جا رہی تھیں۔

Comments

comments

یہ بھی پڑھیں