شارجہ: متحدہ عرب امارات کے شہر شارجہ میں رہائشی عمارت میں آگ لگنے سے 2 افراد ہلاک اور 3 زخمی ہوگئے۔
خلیج ٹائمز کی رپورٹ کے مطابق گزشتہ رات شارجہ کے علاقے میسلون میں رہائشی عمارت میں آگ لگنے سے 2 افراد جاں بحق اور 3 زخمی ہوگئے، آگ نے قریب عمارت کو بھی اپنی لپیٹ میں لے لیا۔
آتشزدگی کے نتیجے میں ہلاک و زخمیوں کو اسپتال منتقل کردیا گیا، زخمیوں میں ایشیائی خاتون اور بچہ شامل ہیں جن کی حالت تشویش ناک بتائی جارہی ہے۔
آگ کی شدت کو دیکھتے ہوئے سمن اور ال مینا سے مزید فائر ٹینڈرز طلب کیے گئے جس کے بعد آگ پر قابو پالیا گیا تاہم ابتدائی طور پر آگ لگنے کی وجوہات سامنے نہیں آسکی ہیں۔
#BREAKING Two killed after fire erupts in Sharjah villa https://t.co/mX8kUXL7lJ (M.Sajjad/KT Video) pic.twitter.com/wq8rCCzS0O
— Khaleej Times (@khaleejtimes) November 12, 2018
رپورٹ کے مطابق عمارت میں 30 افراد رہائش پذیر تھے جنہیں ریسکیو کرلیا گیا ہے تاہم حادثے میں جاں بحق ہونے والوں کی شناخت ظاہر نہیں کی گئی ہے۔
یہ پڑھیں: شارجہ میں آتشزدگی‘ دو بچوں سمیت پانچ افراد جاں بحق
واضح رہے کہ رواں برس فروری میں بھی شارجہ کی کثیر المنزلہ عمارت کے اپارٹمنٹ میں آگ لگنے سے دو بچوں سمیت پانچ افراد جاں بحق ہوگئے تھے جن میں ایک پاکستانی خاتون، ایک بھارتی مرد اور عرب خاتون شامل تھیں۔
