The news is by your side.

Advertisement

کراچی میں ڈینگی کا شکار 2 افراد زندگی کی بازی ہار گئے

کراچی: شہر قائد میں ڈینگی کا شکار ہونے والے مزید 2 افراد زندگی کی بازی ہار گئے۔

تفصیلات کے مطابق کراچی میں ڈینگی مچھر کا شکار ہونے والے مزید 2 افراد جاں بحق ہوگئے، 24 سال کی سونیا اور 22 سالہ اویس ڈینگی کا شکار ہوئے تھے، رواں سال کراچی میں ڈینگی سے ہونے والی ہلاکتوں کی تعداد 10 ہوگئی۔

ادھر سندھ میں ڈینگی کے بعد ملیریا نے بھی شہریوں کی زندگی اجیرن کردی ہے اور رواں برس صوبے میں 50 ہزار افراد ملیریا کا شکار ہوچکے ہیں۔

محکمہ صحت سندھ کی جانب سے جاری کردہ رپورٹ کے مطابق رواں سال صوبے میں 50 ہزار سے زائد افراد ملیریا میں مبتلا ہوچکے ہیں جن میں خواتین، بچے اور بزرگ شہریوں کی تعداد 70 فیصد سے زیادہ ہے۔

رپورٹ کے مطابق جنوری سے جولائی تک ملیریا میں مبتلا 52 ہزار 377 افراد اسپتال پہنچے اور سب سے زیادہ 10 ہزار کیسز ضلع ٹھٹھہ سے سامنے آئے، لاڑکانہ سے 4 ہزار اور کراچی میں 1800 سے زائد متاثرین سامنے آئے۔

بدین، ٹنڈو محمد خان، نوشہرو فیروز، میر پور خاص اور عمر کوٹ میں 3200 سے زائد کیسز سامنے آ چکے ہیں۔

رپورٹ میں بتایا گیا ہے کہ ملیریا سے متاثر ہونے والوں میں ملیریا کی خطرناک ترین قسم فیلسی پریم سے 12 فیصد سے زائد لوگ متاثر ہو چکے ہیں۔

دوسری جانب صوبے میں ڈینگی کے وار بھی جاری ہیں، اور ڈینگی سے متاثرہ افراد کی تعداد 2 ہزار 232 تک پہنچ گئی ہے۔

ترجمان ڈینگی کنٹرول پروگرام کے مطابق کراچی میں 24 گھنٹوں میں 14 افراد ڈینگی وائرس کا شکار ہوئے جب کہ رواں سال کراچی میں ڈینگی سے متاثرہ افراد کی تعداد 2 ہزار 138 ہو چکی ہے۔

Comments

comments

یہ بھی پڑھیں