The news is by your side.

نوازشریف کی کورونا ویکسین کی جعلی انٹری کرنے والے دونوں ملازمین معطل

لاہور : سابق وزیراعظم نوازشریف کی کورونا ویکسین کی جعلی انٹری کرنے والے دونوں ملازمین نےغلطی کااعتراف کرلیا ، جس پر دونوں کو معطل کردیا گیا۔

تفصیلات کے مطابق سابق وزیر اعظم نوازشریف کی لاہورمیں ویکسین کے جعلی اندراج کرنے کے معاملے پر ایم ایس کا کہنا ہے کہ کوٹ خواجہ سعید اسپتال  کے 2 ملازمین نے نوازشریف کی جعلی انٹری کی، نوازشریف کی جعلی انٹری کرنےوالےدونوں ملازمین نےغلطی کااعتراف کرلیا ہے۔

ایم ایس کوٹ خواجہ سعیداسپتال نے جعلی انٹری کرنے والے ملازمین کو معطل کرتے ہوئے بتایا جعلی اندراج کرنےوالےملازمین ابوالحسن اورعادل نے کسی کے کہنے پر جعلی انٹری کی۔

ذرائع محکمہ صحت پنجاب کا کہنا ہے کہ پنجاب میں پیسےلیکرویکسین کےجعلی اندراج کاسلسلہ جاری ہے، پیسےلیکرجعلی اندراج کرنے والے2 افراد کیخلاف  مقدمہ بھی درج کروایاجاچکاہے۔

نوازشریف کے جعلی اندراج کی تحقیق کیلئے محکمہ صحت نے ایف آئی اے کو خط لکھ دیا ہے، جس میں کہا گیا ہے کہ کوٹ خواجہ سعید اسپتال کےویکسی نیشن سنٹر پر نوید نامی ویکس نیٹر کی آئی ڈی استعمال کی گئی، فیک انٹری کیسے اور کس نے کروائی، ایف آئی اے تحقیق کرے۔

ایم ایس کا کہنا ہے کہ ملازمین نے نوید الطاف نامی ملازم کے آئی ڈی سے نواز شریف کا جعلی اندارج کیا۔

Comments

یہ بھی پڑھیں