The news is by your side.

Advertisement

جامشورو:بھولاری ریلو ےاسٹیشن کے قریب2مال گاڑیوں میں تصادم

حیدر آباد: بھولاری اسٹیشن کے قریب مال گاڑیوں میں تصادم کے باعث ڈرائیوراور فائرمین زخمی ہوگیا جبکہ 8بوگیاں پٹری سے اترگئیں۔

تفصیلات کےمطابق صوبہ سندھ میں بھولاری اسٹیشن کےقرین آئل لے جانے والی مال گاڑی دوسری مال بردار ٹرین سےٹکرا گئی۔حادثے میں مال گاڑی کا ڈرائیور اور فائرمین زخمی ہوگئے ہیں جنہیں طبی امداد کے لیے سول اسپتال جامشورو منتقل کردیا گیاہے۔

ریلوے حکام کےمطابق دونوں مال گاڑیوں میں تصادم کےبعد 8بوگیاں پٹری سے الٹ گئیں اور ان میں موجود 150ٹن آئل بہہ گیا۔

ریلوے حکام کا کہنا ہے کہ حادثے کے باعث ریلوے ٹریک پر ٹرینوں کی آمدورفت معطل ہے تاہم بوگیوں کو سیدھا کرنے کی کوشش جاری ہے اور جلد ٹریک کو بحال کر دیا جائے گا۔

ڈی سی او ریلوے کا کہناہےکہ کوٹری سے ریلیف ٹرین جائے حادثہ پر پہنچ گئی اور ریسکیو کاعمل شروع کردیا گیا ہے اس کے علاوہ کراچی سے بھی ایک ریلیف ٹرین روانہ ردی گئی ہے۔

ڈی سی او ریلوے کےمطابق متاثرہ ٹریک کلیئر ہونے میں وقت لگے گا۔حادثے کے باعث کراچی سے روانہ ہونے والی شالیمار اور عوامی ایکسپریس کو بھی روک دیاگیاہے۔

ڈی سی او کا مزید کہناہےاندورن ملک سے آنے والی ٹرینوں کو مختلف اسٹیشنوں پر روک لیاگیاہے۔

Print Friendly, PDF & Email

Comments

comments

یہ بھی پڑھیں