تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مقبوضہ کشمیر میں‌ تعینات 2 بھارتی فوجیوں نے خودکشی کرلی

سری نگر : مقبوضہ کشمیرمیں2بھارتی فوجیوں نے خودکشی کرلی، ایک بھارتی فوجی نے دوران ڈیوٹی اور دوسرے نے کیمپ میں خود کوگولی ماری۔

تفصیلات کے مطابق مقبوضہ کشمیر میں تعینات بھارتی فوجیوں کی خودکشی کا سلسلہ جاری ہے، کشمیر میڈیا سروس کا کہنا ہے کہ بھارتی فوج کے 2 اہلکاروں نے الگ الگ واقعات میں خود کو گولی مار کر خودکشی کرلی۔

بھارتی میڈیا کے مطابق پہلے واقعے میں ضلع باندی پور میں 14 راشٹریہ رائفلز کیمپ میں ڈیوٹی کے دوران ستیندر کمار نامی اہلکار نے اپنے سر میں گولی ماری جبکہ دوسرے بھارتی فوجی مکھن لال نے سامبا ضلع کے بارڈر روڈ کیمپ پر اپنی سروس رائفل سے خود کو گولی مار کر خودکشی کی۔

یاد رہے رواں سال فروری میں بھی مقبوضہ کشمیر کے ضلع کٹھوعہ میں تعینات بھارتی سیکیورٹی فورس بٹالین 90 کے اسسٹنٹ کمانڈنگ افسر ب’ی وی یادیو‘ نے اپنی ہی سرکاری رائفل سے خود کو گولی مار لی تھی۔

خیال رہے کہ اس سے قبل بھی مایوسی اور دباؤ کی وجہ سے بھارتی فوجیوں کے خودکشی کرنے کے واقعات تواتر سے سامنے آرہے ہیں، کشمیر میڈیا سروس کے مطابق مقبوضہ کشمیر میں جنوری 2007 سے اب تک 449بھارتی فوجی اور پولیس اہلکار خود کشی کرچکے ہیں۔

Comments

- Advertisement -