تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب میں اپنے دوست کو قتل کرنے والے 2 بھارتیوں کے سر قلم

ریاض: سعودی عرب میں اپنے ساتھی کو قتل کرنے کے جرم میں 2 بھارتی شہریوں کے سر قلم کردئیے گئے۔

غیرملکی خبررساں ادارے کے مطابق سعودی عرب میں لوٹ مار کی رقم کی تقسیم کے تنازع پر اپنے دوست کو قتل کرنے والے 2 بھارتی شہریوں ستوندر کمار اور ہرجیت سنگھ کے سر قلم کردئیے گئے، ستوندر کمار بھارتی شہر ہوشیارپور اور ہرجیت سنگھ کا تعلق لدھیانہ سے تھا۔

عدالت نے رواں برس 28 فروری کو سزا سنائی تھی، بھارتی سفارت خانے کے ترجمان کا کہنا ہے کہ سعودی عرب کی جانب سے دونوں ملزمان کے سر قلم کرنے سے قبل اعتماد میں نہیں لیا گیا۔

واضح رہے کہ ستوندر کمار اور ہرجیت سنگھ کو 9 دسمبر 2015 میں حراست میں لیا گیا تھا، دوران تفتیش دونوں نے اپنے ساتھی عارف امام الدین کو قتل کرنے کا اعتراف کیا تھا۔

مزید پڑھیں: ہیروئن اسمگلنگ کا جرم: سعودی عرب میں پاکستانی میاں بیوی کے سر قلم

دونوں ملزمان کے اہل خانہ ورک ویزے پر 2013 میں سعودی عرب گئے تھے، سعودی قوانین کے مطابق دونوں کی لاشیں لواحقین کے حوالے نہیں کی جائیں گی۔

رپورٹ کے مطابق بھارت قونصلر پرکاش چند نے کیس کی معلومات کے لیے جیل کا دورہ کیا تھا تاہم دونوں ملزمان پہلے ہی اپنے جرم کا اعتراف کرچکے تھے۔

واضح رہے کہ 12 اپریل کو ہیروئن اسمگلنگ کے جرم میں سعودی عرب میں پاکستانی میاں بیوی کا سر قلم کردیا گیا تھا، سعودی وزارت داخلہ کا کہنا تھا کہ محمد مصطفی اور ان کی اہلیہ فاطمی اعجاز کو ہیروئن اسمگلنگ کے دوران حراست میں لیا گیا تھا۔

Comments

- Advertisement -