گھر میں مچھرمار اسپرے کرنے سے دو بچے جاں بحق -
The news is by your side.

Advertisement

گھر میں مچھرمار اسپرے کرنے سے دو بچے جاں بحق

کراچی : کراچی کے علاقے محمد علی سوسائٹی کے ایک گھر میں مچھر مارا سپرے کرنے کے سے 2 کمسن بچے جاں بحق ہوگئے۔

ذرائع کے مطابق کراچی کے علاقے محمد علی سوسائٹی کے ایک گھر میں اہل خانہ نے مچھروں کی بہتات سے تنگ آ کرمچھر مار اسپرے کروایا جس کے باعث دو بچے جاں بحق اور ایک کی حالت تشیشناک ہو گئی ہے۔

تفصیلات کے مطابق مچھر مار اسپرے کروانے کے دوران اسپرے اس دوران گھر میں بچے بھی موجود تھے احتیاط نہ برتنے کے باعث بچوں پر اسپرے کی مقدار کا اثر ہوگیا جس کے نتیجے میں گھر میں موجود تینوں بچوں کی حالت بگڑ گئی جنہیں قریبی اسپتال منتقل کردیا گیا ہے۔

قومی ادارہ برائے امراض اطفال کی انتظامیہ کے مطابق اسپتال میں لائے گئے تینوں بچوں کو طبی امداد دی جارہی تھی کہ ایک 6 ماہ کی بچی مہر اور 8 ماہ کا بچہ عزیز جاں بحق ہوگئے جب کہ تیسرے بچے 6 سالہ عمیر کی حالت نہایت تشویشناک ہے۔

اہل محلہ کا کہنا ہے کہ علاقے میں میونسپل کارہوریشن کی جانب سے مچھر مار اسپرے نہ ہونے کے باعث علاقہ میں مچھروں کی بہتات ہوگئی ہے اور حال ہی میں ہونے والی بارشوں کے بعد سے مختلف قسم کے کیڑوں نے نے کھڑے پانی کا آماجگاہ بنالیا ہے جس کے باعث کئی لوگ ڈینگی جیسے مرض میں بھی مبتلا ہو چکے ہیں۔

Comments

comments

یہ بھی پڑھیں