The news is by your side.

Advertisement

سیلفی لینے کی کوشش، 2 نوجوان گہری کھائی میں‌ گر کر ہلاک

نئی دہلی: بھارت میں قلعہ کی دیوار سے سیلفی لینے کی کوشش میں 2 نوجوان ڈوب کر ہلاک ہوگئے۔

بھارتی میڈیا رپورٹس کے مطابق مدھیہ پردیش کے ضلع بڑوانی کے پاٹی تھانہ علاقہ واقع رام گڑھ کے قلعہ کی دیوار سے سیلفی لینے کی کوشش میں دو نوجوان زندگی کی بازی ہار گئے۔

ایڈیشنل سپرنٹنڈنٹ آف پولیس سنیتا راوت نے بتایا کہ ضلع دھار کے ڈہی کے رہائشی 28 سالہ دنیش اور 22 سالہ پنٹو کی موت ہوگئی۔ ان کی لاشیں آج کھائی سے نکال کر پوسٹ مارٹم کرانے کے بعد ورثا کے حوالے کر دی گئی ہے۔

انہوں نے بتایا کہ ضلع دھار کے ڈہی سے چار دوست کل پاٹی تھانہ علاقہ کے رام گڑھ کے قلعہ میں تفریح کی غرض سے گئے تھے۔ اسی دوران دنیش اور پنٹو نے قلعہ کی دیوار پر چڑھ کر سیلفی لینے کی کوشش کی اور توازن بگڑ جانے کے سبب وہ تقریباً 400 فٹ گہری کھائی میں گر گئے تھے۔

دیوار پر چڑھے دو دیگر دوستوں نے حادثہ کے بارے میں پولیس کو خبر دی تھی، پولیس نے ابتدائی تحقیقات کے دوران نوجوانوں کی موت کو حادثہ قرار دے دیا۔

Comments

یہ بھی پڑھیں