The news is by your side.

Advertisement

ڈی آئی خان میں سیکیورٹی چیک پوسٹ پرحملہ، 2 افراد جاں بحق

پشاور: ڈیرہ اسماعیل خان میں سیکیورٹی چیک پوسٹ پر نامعلوم ملزمان کی فائرنگ سے دو افراد جاں بحق ہوگئے۔

تفصیلات کے مطابق ڈیرہ اسماعیل خان کی تحصیل درابن کلاں میں سیکیورٹی چیک پوسٹ پر نامعلوم ملزمان نے فائرنگ کی جس کے نتیجے میں دو افراد جاں بحق جبکہ دو زخمی ہوگئے، پولیس کی جوابی فائرنگ سے حملہ آور فرار ہوگئے۔

فائرنگ کے واقعے کی اطلاع ملتے ہی سیکیورٹی فورسز کے اہلکار جائے وقوعہ پر پہنچے اور علاقے کو گھیرے میں لے کر سرچ آپریشن شروع کردیا۔

افسوس ناک واقعے میں زخمی ہونے والے افراد کو اسپتال منقل کردیا گیا جہاں انہیں طبی امداد دی جا رہی ہے۔

پولیس کے مطابق فائرنگ سے جاں بحق ہونے والے افراد میں ایک شخص ہوٹل اور دوسرا پیٹرول پمپ پر کام کرتا تھا۔

پشاور: پولیس اور دہشت گردوں کے درمیان فائرنگ، اہلکار شہید، دہشت گرد ہلاک

یاد رہے کہ رواں سال اپریل میں پشاور کے علاقے حیات آباد میں دہشت گردوں اور پولیس میں فائرنگ سے ایک اہلکار شہید اور ایک دہشت گرد مارا گیا تھا۔

ڈی آئی خان میں پولیس موبائل پرفائرنگ‘ ایس ایچ او سمیت 5 اہلکار شہید

واضح رہے کہ رواں برس فروری کو ڈیرہ اسماعیل خان میں تھانہ پروآکی حدود میں انڈس ہائی وے کے قریب پولیس موبائل پرفائرنگ کے نتیجے میں ایس ایچ او طاہرنواز سمیت 5 اہلکار شہید ہوگئے تھے۔

Comments

comments

یہ بھی پڑھیں