site
stats
پاکستان

جمعیت العلمائےاسلام (ف) کےوفاقی وزیر کے قافلے پربم حملہ، دو جاں بحق

پشاور: بنوں میں وفاقی وزیراکرم درانی کے قافلے کے قریب بم دھماکےمیں دو افراد جاں بحق ہوگئے جبکہ وفاقی وزیرمحفوظ رہے۔

تفصیلات کے مطابق ہاؤسنگ کے وفاقی وزیراورجمعیت العلمائے اسلام کے رہنما اکرم خان درانی کاقافلہ بنوں کےقریب نیم قبائلی علاقےسے گزررہا تھاکہ کچے راستے پرنصب بم کواڑادیا گیا جس سے قافلےمیں موجود ایمبولینس نشانہ بن گئی۔

پولیس کے مطابق دھماکےمیں دو افراد جاں بحق اورتین زخمی ہوئے۔ جاں بحق ہونے والوں میں ایک ایمبولینس اہلکاراوردوسرا راہ گیر تھا۔

حملے میں زخمی ہونے والے افراد میں دو پولیس اہلکار بھی شامل ہیں جبکہ زد میں آنے والی ایمبولینس مکمل طورپرتباہ ہوگئی جبکہ پولیس کے مطابق وفاقی وزیر بم پروف گاڑٰی میں ہونے کے سبب محفوظ رہے۔

اکرم خان درانی جلسے میں شرکت کے بعد واپس آ رہے تھے کہ اُن کے قافلے کو نشانہ بنایا گیا۔

تاحال کسی بھی مسلح گروہ نے وفاقی وزیرکے قافلے پرحملے کی ذمہ داری قبول نہیں کی تاہم ماضی میں ان کی جماعت کے رہنماوٗں کو پاکستانی طالبان کی جانب سے نشانہ بنایا جاتا رہاہے۔

اکرم خان درانی کا تعلق جے یوآئی فضل الرحمان گروپ سے ہے اور وہ خیبر پختونخوا کے وزیراعلیٰ بھی رہ چکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top