The news is by your side.

کراچی میں کرنٹ لگنے سے 2 افراد جاں بحق

کراچی: شہر قائد میں بلدیہ اسپارکو روڈ پر کرنٹ لگنے سے 2 افراد جان کی بازی ہار گئے۔

تفصیلات کے مطابق کراچی میں بلدیہ اسپارکو روڈ پر کمپاؤنڈ سے موٹر لگا کر بورنگ کا پانی نکالنے والے 2 مزدور کرنٹ لگنے سے جاں بحق ہوگئے۔

ریسکیو ذرائع کے مطابق دونوں افراد کی لاشوں کو سول اسپتال منتقل کر دیا گیا ہے۔قانونی کارروائی کے بعد لاشوں کو ورثا کے حوالے کیا جائے گا۔

یاد رہے کہ گزشتہ روز کراچی میں کرنٹ لگنے اور دیگرحادثات میں 5 افراد جاں بحق ہوگئے تھے، کرنٹ لگنے کے واقعات گلشن حدید، لانڈھی اور گارڈن میں پیش آئے تھے۔

محکمہ موسمیات کے مطابق گزشتہ روز شہر میں سب سے زیادہ بارش گلستان جوہر، یونیورسٹی روڈ میں 78.5 ملی میٹر اور سرجانی میں 68.4 ملی میٹر ریکارڈ کی گئی تھی

Comments

یہ بھی پڑھیں