تازہ ترین

لاہور کے چڑیا گھر میں‌ کرونا پھیلنے لگا!

صوبہ پنجاب کے دارالحکومت  لاہور کے چڑیا گھر میں کام کرنے والے دو ملازمین کو کرونا وائرس کی تشخیص ہوئی ہے۔

اے آر وائی نیوز کی رپورٹ کے مطابق لاہور چڑیا گھر کے دو ملازمین کو  کو کرونا وائرس کی تشخیص ہوئی اُس کے باوجود چڑیا گھر کو عوام کے لیے بند نہیں کیا گیا۔

چڑیا گھرکے جانوروں کی دیکھ بھال کرنے والے ملازم اور خاتون انٹرن کرونا وائرس میں مبتلا ہیں۔  انتظامیہ نے ملازمین کے ٹیسٹ مثبت آنے کے بعد بھی چڑیا گھر کو  عوام کے لیے بند نہیں کیا۔

واضح رہے کہ صوبائی حکومت نے کرونا کیسز میں  اضافے کے پیش نظر صوبے کے تمام سیاحتی مقامات کو بند کرنے کا اعلان کیا مگر چڑیا گھر تاحال کھلا ہوا ہے جہاں روزانہ شہری بڑی تعداد میں پہنچتے ہیں۔

چڑیا گھر آنے والے شہریوں کی کرونا ایس او پیز کی خلاف ورزیوں کے باوجود انتظامیہ نے کوئی اقدامات نہیں کیے اور نہ ہی کسی کو پابند کیا ہے۔

واضح رہے کہ  پاکستان میں کرونا کی تیسری لہر تیزی سے پھیل رہی ہے، ملک کے دو بڑے علاقے سب سے زیادہ متاثر ہوئے جن میں لاہور بھی شامل ہے۔ صوبائی حکومت نے کرونا کی روک تھام کے حوالے سے مختلف اقدامات کیے۔ ایس او پیز پر عمل اور فیس ماسک استعمال نہ کرنے شہریوں کے خلاف کارروائیاں بھی کی گئیں ہیں۔

Comments

- Advertisement -