کراچی، سخی حسن کے قریب فائرنگ سے دو افراد جاں بحق killed
The news is by your side.

Advertisement

کراچی، سخی حسن کے قریب فائرنگ سے دو افراد جاں بحق

کراچی : نارتھ ناظم آباد کے علاقے سخی حسن چورنگی کے قریب نامعلوم افراد کی فائرنگ سے دو افراد جاں بحق ہوگئے ہیں۔

تفصیلات کے مطابق نارتھ ناظم آباد میں سخی حسن چورنگی کے قریب نامعلوم موٹر سائیکل سواروں کی فائرنگ سے دو افراد موقع پر جاں بحق ہو گئے ہیں جب کہ ملزمان بآسانی فرار ہونے میں کامیاب ہوگئے۔

ریسکیو ادارے کی مدد سے دونوں افراد کی لاشوں کو عباسی منتقل کردیا گیا ہے جہاں پوسٹ مارٹم کا عمل جا ری ہے جب کہ پولیس نے جائے وقوعہ پر پہنچ کر ابتادائی شواہد جمع کر لیے ہیں۔

پولیس کے مطابق سخی حسن چورنگی کے قریب نامعلوم مسلح افراد کی فائرنگ سے جاں بحق ہونے والے افراد کی شناخت محمد راشد اور وحید کے نام سے کی گئی ہے تاہم قتل کی وجوہات کا تعین نہیں کیا جا سکا ہے۔

پولیس نے دہرے قتل کی واردات کے حوالے سے دعوی کیا ہے کہ ملزمان کو گرفتار کو جلد قانون کے کٹہرے میں کھڑا کیا جائے گا اور قرار واقعی سزا دلوائی جائے گی۔

کراچی میں جاری رینجرز آپریشن کی وجہ سے شہر میں امن و امان کی صورت حال کافی حد تک بہتر ہو چکی ہے تا ہم اکا دکا واقعات کے ذریعے بچے کچے دہشت گرد اپنی موجود گی کا پتہ دیتے ہیں۔

Comments

comments

یہ بھی پڑھیں