کینیڈا: فائرنگ سے 2 پولیس اہلکاروں سمیت 4 افراد ہلاک canada shooting
The news is by your side.

Advertisement

کینیڈا: فائرنگ سے 2 پولیس اہلکاروں سمیت 4 افراد ہلاک

اوٹاوا: کینیڈا کے مشرقی شہر فریڈرکٹن میں فائرنگ کے نتیجے میں 2 پولیس اہلکاروں سمیت چار افراد ہلاک ہوگئے، مشتبہ شخص کو حراست میں لے لیا گیا۔

غیرملکی خبررساں ادارے کے مطابق فائرنگ کا واقعہ فریڈرکٹن کے علاقے بروک سائیڈ میں پیش آیا، جس کے بعد انتظامیہ نے علاقہ مکینوں پر زور دیا کہ وہ گھروں سے باہر نہ نکلیں۔

ٹویٹر پر پولیس کی جانب سے پہلے فائرنگ سے ہلاکتوں کی تصدیق کی گئی دوسرے بیان میں ایک مشتبہ شخص کو حراست میں لیے جانے کی تصدیق کی گئی ہے۔

میڈیا کے مطابق فائرنگ کا واقعہ رہائشی علاقے میں پیش آیا ہے، حادثے کی تصاویر سوشل میڈیا پر شیئر کی گئی ہیں جن میں دیکھا جاسکتا ہے کہ جس میں ایمبولینس اور پیرا میڈیکل اسٹاف کو ایک گھر کے نزدیک دیکھا جاسکتا ہے، پولیس نے ایک شخص کو حراست میں لینے کی تصدیق کی ہے۔

اسلحہ کے حوالے سے کینیڈا میں قانون امریکا سے زیادہ سخت ہیں تاہم گزشتہ کچھ عرصے سے فائرنگ میں واقعات میں اضافہ دیکھا گیا ہے۔

کینیڈین وزیر اعظم جسٹن ٹروڈو کا کہنا ہے کہ میری ہمدردیاں متاثرہ خاندانوں کے ساتھ ہیں تاہم واقعے کا باریک بینی سے جائزہ لیا جارہا ہے۔

گزشتہ ماہ ٹورنٹو اسٹریٹ میں مسلح شخص کی فائرنگ سے 2 افراد جاں بحق اور 13 زخمی ہوگئے تھے تاہم کوئی گرفتاری عمل میں نہیں آئی تھی۔

Comments

comments

یہ بھی پڑھیں