The news is by your side.

Advertisement

ری پبلکن سینیٹرز کی ٹرمپ پر تنقید، جیف فلیک کا امریکی صدر کے ساتھ نہ چلنے کا اعلان

واشنگٹن : صدر ٹرمپ کی پالیسیوں پر جہاں ڈیموکریٹس نالاں نظر آتے ہیں وہیں ری پبلکن پارٹی سے بھی اب اپنے ہی جماعت کے صدر کیخلاف آوازیں اٹھنا شروع ہوگئی ہیں، منتخب ری پبلکن سینیٹر جیف فلیک نے صدر ٹرمپ کے ساتھ نہ چلنے کا اعلان کیا ہے۔

تفصیلات کے مطابق صدر ٹرمپ کے اقتدار سنبھالنے سے اب تک امریکی سیاست میں مچی ہلچل میں مسلسل اضافہ دیکھنے میں آرہا ہے اور اب حالات یہ ہیں کہ صدر ٹرمپ کو اپنی ہی ری پبلکن پارٹی سے کڑی تنقید کا سامنا کرنا پڑ رہا ہے۔

ایری زونا سے منتخب ری پبلکن سینیٹر جیف فلیک نے صدر ٹرمپ کے ساتھ نہ چلنے کا اعلان کرتے ہوئے کہا کہ وہ امریکہ کو مضبوط بنانے والی بنیادوں اور روایات کو پامال ہوتے نہیں دیکھ سکتے، میرا ماننا ہے کہ ٹرمپ کے رویے پر خاموشی  امریکی قوم کو گمراہ کرنے کے مترادف ہے۔

جیف فلیک نے غیر متوقع طور پر ریٹائرمنٹ کا اعلان کرتے ہوئے کہا کہ ری پبلکن پارٹی کی جانب سے یہ امید کرنا کہ ڈونلڈ ٹرمپ اپنے رویے میں بہتری لائیں گے تو خود کو بے وقوف بنانے کے متراف ہے۔

سینیٹر فلیک کا اشارہ صدر ٹرمپ کے ٹوئٹر پیغامات کی جانب تھا، جو ہر مسئلے پر ٹوئٹ کے ذریعے اپنا موقف بیان کرنے پر ماضی میں بھی تنقید کا سامنا کرتے رہے ہیں۔

امور خارجہ کمیٹی کے چیئرمین سینیٹر باب کارکر کا کہنا ہے کہ صدر ٹرمپ مسلسل غلط بیانی سے امریکہ کو آلودہ کر رہے ہیں۔

دوسری جانب تجزیہ کاروں کے مطابق حکمران جماعت ری پبلکن پارٹی صدر ٹرمپ کے غیر ذمہ دارانہ رویے اور ٹویٹر پر قومی اور عالمی معاملات پر غیر مناسب بیانات جماعت میں انتشار اور اختلافات کا باعث بن رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں