The news is by your side.

Advertisement

کراچی: امام بارگاہوں پر حملوں میں ملوث 2 ملزمان گرفتار

کراچی: سی ٹی ڈی سعودآباد پولیس کی کارروائی، کالعدم تنظیم کے تین کارندے گرفتار، اسلحہ اور دستی بم برآمد کرلیا گیا ، ایک اور کارروائی میں سیاسی جماعت کے ٹارگٹ کلر کر گرفتارکرلیا گیا۔

ایس ایس پی سی ٹی ڈی جنید شیخ نے پریس کانفرنس کرتے ہوئے بتایا کہ ناگن چورنگی کے قریب کارروائی کے دوران کالعدم تنظیم کے تین کاندے قاری نوراللہ ، قاری اسرار ، اور صدیق نامی شخص کو گرفتار کیا گیا۔

پولیس کے مطابق گرفتار ملزمان نے نیو کراچی پانچ اورآٹھ نمبراور گلشن معمارمیں امام بارگاہوں پر ریکی کررکھی تھی اور وہاں پر دہشت گردی کرنا چاہتے تھے ۔

گرفتار ملزمان نے دوران تفتیش اورنگی ٹاؤن میں بم دھماکہ، رئیس امروہی کالونی میں فائرنگ،گلبہار میں دوکان پر دستی بم حملے سمیت متعدد دہشت گردی کی وارداتوں کا اعتراف کیا ہے ۔

ایس ایس پی جنید شیخ کے مطابق گرفتار ملزم صدیق بینک ڈکیتیاں کرکے کالعدم تنظیم کو رقم فراہم کیا کرتا تھا، سی ٹی ڈی نے ایک اور کارروائی کے دوران سیاسی جماعت کے ٹارگٹ کلر وسیم عرف کالا کو دو ساتھیوں سمیت گرفتار کرلیا۔

گرفتار ملزم نے کورنگی چھ نمبر اور ڈھائی نمبر میں 1995 میں اور 1999 میں متعدد افراد کی ٹارگٹ کلنگ کا بھی اعتراف کیا ہے ، ایس ایس پی جنید شیخ کے مطابق گرفتار ملزم سے برآمد ہونے والے اسلحہ کا فرانزک کرایا جائے گا۔

Print Friendly, PDF & Email

Comments

comments

یہ بھی پڑھیں