The news is by your side.

Advertisement

اندرون سندھ سے 2ملزمان گرفتار،ریلوے ٹریک دھماکے سے اڑانا چاہتے تھے

کندھ کوٹ: اندرون سندھ کے علاقہ کندھ کوٹ میں پولیس نے کارروائی کرتے ہوئے دو دہشت گردوں کو گرفتار کر لیا ہے، ملزمان ریلوے ٹریک کو دھماکے سے اُڑانے کی منصوبہ بندی کر رہے تھے۔

تفصیلات کے مطابق گزشتہ رات کندھ کوٹ پولیس نے کارروائی کرتے ہوئے 2 دہشتگردوں کو گرفتار کر لیا ہے،گرفتار ملزمان دہشت گردی کی واردات کی منصوبہ بندی کررہے تھے جس کے لیے بھاری مقدار میں بارود جمع کر رکھا تھا۔

ایس ایس پی کشمور فدا حسین نے میڈیا کو تفصیلات سے آگاہ کرتے ہوئے بتایا کہ گرفتار دہشتگردوں کے قبضے سے 5 کلو دھماکا خیز مواد برآمد ہوا ہے اس بارود سے ملزمان ریلوے ٹریک کو دھماکے سے اُڑانے کی منصوبہ بندی کر رہے تھے کہ پولیس نے فوری کرتے ہوئے ملزمان کو رنگے ہاتھوں کو گرفتار کر لیا۔

ذرائع کے مطابق گرفتار دہشتگرد کا تعلق کالعدم جماعت سے ہے جنہوں نے کالعدم تنظیم کے اہم کارندے صادق بادشاہ سے مل کر کارروائیاں کرنے کا اعتراف کر لیا ہے جس کے بعد ایک پولیس پارٹی تیار کر لی گئی ہے جو صادق بادشاہ اور گرفتار دہشتگردوں کے ساتھیوں کی تلاش کے لیے مختلف مقامات پر چھاپے مار رہی ہے جلد ہی ملزمان قانون کی گرفت میں ہوں گے۔

Print Friendly, PDF & Email

Comments

comments

یہ بھی پڑھیں