اورنگی ٹاؤن میں رشتہ نہ دینے پرتنازعہ، دوخواتین کا قتل -
The news is by your side.

Advertisement

اورنگی ٹاؤن میں رشتہ نہ دینے پرتنازعہ، دوخواتین کا قتل

کراچی : کراچی کے علاقے اورنگی ٹاون میں رشتہ نہ دینے کے تنازعہ پر دو خواتین کو قتل کردیا گیا پولیس نے واردات میں ملوث ایک خاتون سمیت دو ملزموں کوگرفتارکرلیا۔

تفصیلات کے مطابق کراچی کےعلاقے اورنگی ٹاون سیکٹر 14 شاہ فیصل چوک کے قریب مکان سے دو خواتین کی لاشیں ملی ہیں۔

پولیس کے مطابق مقتولین کی شناخت سنبل اور صدف کے ناموں سے کرلی گئی ہے ابتدائی شواہد اکھٹے کر لیے ہیں جن کی روشنی میں ایک ملزم انیس کو گرفتار کرلیا ہے ملزم نے دوران تفتیش فہیمہ نامی خاتون کے ساتھ ملکر قتل کی واردات کا اعتراف کرلیا ہے۔

اسی سے متعلق : چارسدہ میں رشتے کے تنازے پر 10افراد قتل

ملزم انیس کے مطابق فہیمہ نے اہل خانہ کو رات گئے بے ہوشی کی دوا دی تھی اور 3 بجے کے قریب بڑی بہن سنبل اور بھابی صدف کو تیز دھار آلے کی مدد سے قتل کردیا تھا۔

پولیس نے ملزم کے بیان کی روشنی میں کارروائی کرکے ملزمہ فہیمہ کو بھی گرفتار کرلیا ہے مقتولین نے انیس کو رشتہ دینے سے انکار کردیا تھا جس کے باعث ملزمان نے انتہائی قدم اٹھایا

پولیس کے مطابق واقعے کا مقدمہ درج کرکے مزید تفتیش کی جارہی ہے آلہ قتل برآمد کر لیا ہے اور ملزمان کے سہولت کاروں کے تلاش میں چھاپے مارے جا رہے ہیں۔

Comments

comments

یہ بھی پڑھیں