آئی فونز میں بڑی تبدیلی ہونے جا رہی ہے، ایپل کمپنی نے 11 سال بعد آئی فونز میں بہت بڑی تبدیلی کرنے کی تیاری کر لی۔
تفصیلات کے مطابق ایپل کمپنی کی آئندہ سال کی ڈیوائسز کے بارے میں لیکس ابھی سے آنا شروع ہوگئیں، 2023 میں ایپل کی جانب سے آئی فونز میں بہت بڑی تبدیلی ہوگی۔
آئی فون 15 سیریز یو ایس بی ٹائپ سی چارجنگ پورٹ سے لیس ہوگی، ایپل کو بھی چارجنگ پورٹ کے حوالے سے یورپی یونین کے قانون کی پاسداری کرنی ہوگی۔
یاد رہے کہ یورپی یونین نے 2024 سے تمام الیکٹرونک ڈیوائسز کے لیے یو ایس بی ٹائپ سی پورٹ کے استعمال کو لازمی قرار دینے کا قانون منظور کیا تھا۔
یورپ سمیت پوری دنیا میں آئی فون 15 سیریز کے فونز یو ایس بی ٹائپ سی چارجنگ پورٹ سے لیس ہوگی اور لائٹننگ پورٹ کو ختم کر دیا جائے گا۔
2012 میں ایپل نے لائٹننگ پورٹ لانے کے لیے 30 پن ڈوک کنکٹر کو ختم کیا تھا۔
