تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

برطانوی شہری پر 1 سال کیلئے بطخیں پالنے پر پابندی عائد

برطانوی محکمہ صحت نے 79 سالہ شہری ایلن گوسلنگ پر آئندہ ایک برس تک بطخیں پالنے پر پابندی عائد کرتے ہوئے ان کی تمام بطخیں ہلاک کردیں۔

برطانوی شہری اپنی بطخوں کی ہلاکت اور اگلے ایک برس تک بطخیں نہ پالنے کی پابندی پر سخت پریشان ہیں لیکن محکمہ صحت کی یہ پابندی ملک کو وبائی صورتحال سے بچانے کےلیے ہے۔

رپورٹ کے مطابق ایلن گوسلنگ برڈ فلو میں مبتلا ہوگئے تھے جس کے بعد محکمہ صحت نے تحقیق کی تو پتہ چلا کہ ایچ 5 این 5 نامی وائرس (برڈ فلو) ان ہی کی ایک بطخ سے ایلن کو لگا تھا۔

محکمہ صحت نے کہا کہ برڈ فلو ماضی میں بھی انسانی وبا کی صورت اختیار کرچکا ہے اسی لیے حکومت نے ایلن کی تمام بطخیں ہلاک کرکے ان پر ایک برس تک بطخیں نہ پالنے کی پابندی عائد کردی۔

UK's bird flu 'patient zero' is 'distraught' after he's banned from pet  ducks

برطانوی میڈیا کی رپورٹ کے مطابق برطانیہ میں نئے برڈ فلو کا پہلا مریض ہونے کی بناء پر محکمہ صحت نے گوسلنگ پر کڑی نظر رکھی ہوئی ہے کیونکہ ایسے افراد ہی کسی وبا کا نقطہ آغاز ثابت ہوسکتے ہیں۔

واضح رہے کہ برڈ فلو ایک ہلاکت خیز بیماری ہے جو پرندوں سے انسانوں میں منتقل ہوتی ہے، ماضی میں کئی بار یہ بیماری وبائی شکل اختیار کرچکی ہے جس کے نتیجے میں کروڑوں پرندوں کے علاوہ درجنوں انسان بھی ہلاک ہوچکے ہیں جبکہ اس سے متاثر ہونے والے انسان بھی لاکھوں میں ہیں۔

Comments

- Advertisement -